独家丨周吉佩《中年》封王9个月吸金过百万 经历16年低谷有钱尽搵狂接100个Job

去年4月，周吉佩(吉吉)在《中年好声音》封王，人气急升，除出新歌《你是我唯一的》外，仲有份角逐TVB台庆「飞跃进步男艺员」，虽然最终落败。咸鱼大翻生的吉吉见过鬼怕黑，封王9个月，把握机会不断接Job，商演及广告接近100个，进帐7位数。曾经历16年低谷日子，吉吉要争取时间搵钱：「做得几多就做。」采访：方骞平 摄影：朱伟彦

吉吉默默接job养家，希望老婆早日唔使做。

吉吉形象正面。

吉吉珍惜机会。

努力养家。

吉吉系暖男老公及爸爸。

周吉佩之前推出新歌《你是我唯一的》答谢朋友、家人及「吉s粉」(fans)，更凭歌寄意冧太太黄彦欣。不过，因为太耐冇入录音室，首天录音时投入唔到，第二天用老婆做感情投射对象，感激太太陪他走过人生高低。对于短短9个月快赚过百万，更省靓《中年》招牌。吉吉却谦称：「骚量系计埋TVB演出，所以唔系全部都有好多钱嘅。」他笑言其实(收入)可以再好啲，又称重返乐坛发展好满意，除咗有得出歌，仲有得跟李佳芯做综艺节目《日本18种住法》，比预期中演出更多。」

周吉佩苦候15年推出新歌《你是我唯一的》答谢身边人。

仲有机会同女神李佳芯去日本做综艺节目《日本18种住法》。

有好多发展机会。

吉吉凭《中年好声音》人气急升。

曾志伟好睇重《中年好声音》同学。

一家4口出席商演活动。

越来越多「吉S粉」支持吉吉。

吉吉封王的《中年好声音》夺台庆颁奖礼「最佳综艺节目」奖。

吉吉咸鱼大翻生。

音乐中心占地千尺

吉吉重申冇真正计算过赚到几多，酬劳全归太太揸数：「不过，管家婆太太心里有数，如果我赚唔到过百万，都唔敢发到咁大，畀我投资6位数扩充音乐中心，佢咁做都系想我可以搵多啲钱。因为冇人知将来会点？歌唱事业几时会玩完？挟著过去嘅不安全感，𠵱家做定两手准备。」吉吉除装备好自己，珍惜每个演出外，更视教育中心生意为长线投资：「新嘅音乐中心1000尺，较旧铺大咗7至8倍，仲请埋《中年》参加者做星级导师，都算系实现咗一个小小嘅心愿，长线系想太太做全职主妇。」

周吉佩投资6位数的「好声音中心」经已开幕。

新嘅音乐中心1000尺。

对比旧音乐中心，𠵱家大咗7-8倍。

旧中心地方冇咁大，相对支出冇咁大。

努力跑数收落雨柴

现时两公婆拍住上，太太全职打理刚开幕的音乐中心，将来连receptionist都捞埋，吉吉就要配合努力「跑数」，最基本要搵返每月开支及老婆份人工，他承认会有压力：「计埋供楼及两个小朋友支出，每月最少要4万几，真系有太多开支嘞，以前冇头家，会倾家荡产买枝几万蚊嘅结他做好音乐，唔理入不敷支，所以穷得有道理；𠵱家有钱都要悭住使唔会用到尽，会好天收埋落雨柴，更唔会先使未来钱。其实由太太管数都好，可以乜都唔理默默做，睇返好多成功人士系由太太管钱。」吉吉自言做人好简单，唔介意开心穷食三文治：「有时间陪到仔女已好好，有时凌晨回家会被投诉，佢哋唔锺意我做『明星』，但有时见我被拉住影相，又觉得爸爸有人识都几得意，我就乘机教育佢哋『爸爸唔系威，只系职业关系有人认识，最重要做好自己，等同做好功课一样。』」

吉吉食青口放题贺结婚9周年。

跑到数的吉吉获太太请食龙虾伊面。

有时间会多陪子女。

享受亲子乐。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ