万千星辉颁奖典礼2023｜艺人台下互动逐个睇！高海宁突「跪」高层 蔡思贝黑面呆坐？ 黄宗泽狂队酒

万千星辉颁奖典礼2023｜TVB《万千星辉颁奖典礼2023》昨晚（14日）圆满举行，《新闻女王》连扫8个奖成为大赢家，而陈豪及佘诗曼亦荣鹰视帝视后。而在奖项成绩以外，一众出席颁奖礼的艺人，昨晚在场内的互动亦成为焦点。到底你看不到的《万千星辉颁奖典礼2023》有哪些有趣画面？《星岛头条》即刻带大家逐个睇！

相关阅读：万千星辉颁奖典礼2023丨四大花旦入围十强零踪影 全能主持晋身五强仍缺席 视后续约再添变数？

万千星辉颁奖典礼2023｜TVB颁奖礼艺员台下互动逐个睇：

夺得最佳男配角的林子善上台领奖时相当激动，一度下跪，后来他表示是向父母表示谢意。

TVB高层乐易玲睇到眼湿湿，仲要用纸巾抹眼泪。

乐小姐仲抹咗几廿秒，睇嚟好感动。

林子善夺最佳男配角奖后一度满场飞，周围揽人。

林子善high爆周围揽人。

何超仪昨晚罕有出席TVB颁奖礼，高层乐小姐同何超揽头揽颈，鬼死咁friend。

何超仪一行埋高层台，即刻有唔少人嚟同佢咬耳仔。

高海宁噚晚成功攞到最佳女配角，梗系要喺台下搵高层曾励珍「珍姐」倾下偈，有返咁上下身高嘅高ling，就算著住条咁长嘅晚装裙都要跪低倾。

李施嬅同佘诗曼虽然一齐竞逐女主角奖，但两人台下超friend，一齐研究手饰，李施嬅仲肉紧到揸住阿佘只手唔放。

李施嬅好肉紧咁，到底同阿佘倾紧乜呢？

阿佘横扫多个奖项，佢每次上台攞奖都有大批《新闻女王》演员围住揽佢，何依婷（图左白衫）开心到呢！

袁志伟昨晚获颁荣誉大奖，一众高层都同佢握手祝贺。

到场担任颁奖嘉宾嘅罗嘉良（左），喺后台同同样专注北上发展嘅黄宗泽（右）似乎惺惺相惜！

周奕玮同麦美恩双双夺得最佳男女主持奖，两个人由前台high到去后台，影合照嗰阵几咁开心！

陈豪夺得最佳男主角，仲由太太陈茵媺颁奖，当然好感动，两个人去到后台当然要锡锡畀记者影下相。

锡唔停。

阿佘夺得「最佳女主角」后请出「初哥哥」张智霖，两位旧拍档重聚，chilam紧系有绅士风度扶阿佘落台。

佘诗曼压轴行红地毡，行埋去帮等佢好耐嘅fans签名，认真亲民。

高海宁夺得最佳女配角，打扮性感嘅高ling，搞到「黑哥」姜浩文都唔知应该望边度。

提名「最佳女主角」嘅蔡思贝成晚冇上过台，睇骚睇到发呆。

林子善夺得最佳男配角后，上台领奖前获得多位兄弟祝福，马国明同佢揽揽送祝福。

林子善攞奖好多老友戥佢高兴，开心到树熊式揽住陈山聪。

刘佩玥都上前祝贺林子善。

你睇刘佩玥开心到好肉紧咁捉住林子善块面。

你睇刘佩玥开心到好肉紧咁捉住林子善块面。

刘佩玥开心到喊出嚟。

刘佩玥喊完第一件事梗系要补妆先。

林子善得奖，当然要去多谢高层乐易玲。

林子善当然都要多谢埋曾励珍「珍姐」。

胡枫同林明祯上台颁奖，女神好温柔咁扶实胡枫，好有爱！

李施嬅同阿佘继续密斟。

阿佘成晚系咁上台，同剧演员个个争住揽。

《新闻女王》演员齐齐争住揽阿佘，何广沛摄唔到入去都唔紧要，起码捉到阿佘只手。

好耐冇出席TVB颁奖礼嘅阿佘，攞完奖行落台时，笑得好得戚。

黄宗泽成晚满场飞，周围同人饮杯。

仲自队一杯，好开心！

黄宗泽难得返嚟娘家，梗系要周围腾同人倾偈。

After Class负责「致敬环节」献唱《抱紧眼前人》，眼浅嘅炎明熹喺台上抹眼泪。

游嘉欣夺得最具潜质新人，不过呢个奖喺尾段先颁，又真系等到几攰嘅。

陈茵媺颁「最佳男主角」奖畀老公陈豪，当场喊出嚟之馀仲揽实老公，好sweet！

陈豪仲好温柔咁轻吻老婆额头！

真系好温馨！

杨茜尧同林峯担任神秘嘉宾，已经为人母嘅杨茜尧，大头拍摄之下仍然皮肤好好！

仲畀心心，好cute！

阿佘喺台上单眼，好得意。

陈豪相隔16年再夺得视帝，喺后台当然要锡锡老婆畀记者任影。

陈星妤噚晚著全白色贴身晚装，一路行一路扯实条裙，睇嚟好紧张。

相关阅读：

万千星辉颁奖典礼2023丨一文睇晒完整赛果！《新闻女王》成大赢家 佘诗曼陈豪夺最佳男女主角

万千星辉颁奖典礼2023丨佘诗曼之夜！三夺视后破纪录 囊括所有大奖：我以为我唔会喊

万千星辉颁奖典礼2023｜陈豪夺最佳男主角！生于医学世家三级片出道作《晚九朝五》演出惊人 声带生瘜肉险毁演员梦

万千星辉颁奖典礼2023｜黄宗泽夺大湾区视帝 曾与名模姊弟恋21日玩完 与胡杏儿分手后女方镜头前爆喊震惊网民

万千星辉颁奖典礼2023丨陈法蓉入行35年感情事比演技抢镜 曾与前港姐争仔最终豪门梦碎

万千星辉颁奖典礼2023｜刘佩玥母亲同是港姐拥174cm身高曾任空姐 床战黄宗泽成经典画面

万千星辉颁奖典礼2023丨李施嬅患自体免疫性疾病一度停工 订婚3年未婚夫拥惊人背景

万千星辉颁奖典礼2023｜何沛珈与梁舜燕孙仔传相恋 全裸围浴巾出镜掀热话兜头淋冰水成最博画面

----------------------------------------------------

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ