星8卦｜「新贵」行运 「人妻」打当年情牌搞雾水缘 当「正印」无到

「新贵」行咗个中年运，好彩咁多年老婆为佢默默付出无白费。但人红就多女埋身，何况「新贵」都叫做青靓白净，有个同期嘅「人妻」特别锺意任何时候都企埋一齐。
「人妻」其实都有幸福家庭，老公唔够阿妹嗰位咁巴闭，但都唔使做有钱使，仲由得你出嚟追求梦想。

佢同「新贵」识于微时，当年已经眉来眼去，未至于拍拖，但互有好感系肯定，可惜「新贵」搵朝唔得晚，「人妻」都系现实嘅，所以唔敢再进一步。「新贵」又死唔去，遇到又系比赛出身嘅「正印」，知道佢困难，连屋企嘅积蓄都攞咗一半嚟帮佢过渡，所以「新贵」对佢系好感激。

捱穷唔紧要，而家「新贵」开始搵到啲钱，红咗就连样都顺眼，「人妻」竟然利用番当年情，对「新贵」施展媚功，初时男嘅唔多有戒心，谂住你有老公细路，一定会检点啲。但第三者睇睇吓唔多对路，就提「新贵」要提防，今日开始好运，就唔好俾啲邪花影响。

结果连「正印」都收到风，而家跟出跟入，喺「新贵」身边畀人知佢已经有老婆。「人妻」依然唔死心，日日用兄妹名义继续跟喺佢哋身后，所以「正印」近来成日黑晒面，睇怕都系同呢位第三者有关。

 

相关文章：

星8卦｜「珠女」复出反应麻麻见尽人情世故 靠「鱼佬」密密做养家

星8卦｜「乖仔」「哥哥」兄弟情断　红颜祸水搬弄是非玩离间

星8卦｜「歌后」欲擒先纵氹掂「二代」 弃「花旦」娶自己高招

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ