独家丨黄婧灵唔介意36E最强胸器成话题黄金10年唔拍拖冲事业

2024-01-13 07:00

黄婧灵（波波）在刚播毕的《你不是她》，首次挑战「恋爱脑」角色「Yuki」，她直言以往都是恋情大过天，所以好易投入角色。不过25岁的她认为未来是人生的黄金10年，想在事业上拼搏，不急于拍拖。拥36E火辣身材的波波，仲话只要公司同意，唔介意性感演出。采访：杜杜摄影：Stanley 发型:HoLA@Jay场地:Silllk Aromas Beauty

波波够青春有身材同学历，未来黄金10年想有好发展不难。

波波第一次饰演占戏较重的角色，好彩她拍过3次拖，同「Yuki」一样都是「恋爱脑」，「我𠵱家单身，今次演出都过到拍拖瘾，都会谂返以前拍拖好似『Yuki』咁，以男友为心中，恋爱大过天，所以都好明白佢嗰种心情。」不过自从拍完《后生仔倾吓偈》，她要兼顾学业同工作，想法开始改变，「知道原来爱情唔系世界嘅全部，拍拖只系其中一部份，觉得开心幸福，但都唔可以完全依赖呢样嘢，仲有好多嘢值得投放精神同时间。」

剧中波波演的时装店店员「Yuki」，只识经常黐住剧中男友李绍坚。

去年大学毕业的波波，现在全力在娱乐圈搏杀。

恨同偶像梁朝伟合作

会专注事业的波波，新一年最希望戏剧和综艺都可以有不同尝试，特别是演戏，「我锺意拍爱情剧，想做啲《野蛮女友》角色，有时好爽朗，有时又好依赖另一半，演到呢种反差会几得意，另外想做医生好正气，我都有睇《白色强人》嗰类医生剧，念一段专业名词好得意好有型。」综艺方面，她最想自肥拍旅游特辑，「一直好恨去芬兰嘅圣诞老人村，仲有去土耳其睇热气球，都好浪漫好正。」

2017年波波凭《后生仔倾吓偈》，成功签约入行。

波波早在《野外步出2》，已有着泳衣亮相经验。

出道以来，波波凭住36E好身材弹起，亦经常成为话题焦点，她对此完全不介意，问到会否学高海宁「封胸」？她笑言：「封胸定丰胸呀？！丰胸唔嫌多㗎！讲笑啫！哈哈！人哋只留意身材都冇办法，唯有尽量做好自己，令到人觉得我嘅实力较身材更值得讲。」讲到性感演出，波波就话只要有时间准备，著泳衣都无问题，「早啲讲等我操fit啲，拍嘢都想专业啲畀到个效果。」至于拍到《色戒》的尺度，就交由公司决定，「我好锺意梁朝伟，但都要睇公司，梁朝伟接得嘅戏一定正，反而担心自己衬唔衬得起。」