月入6万中年IT男失业 一家之主愁坐食山崩 网民心酸集气指点生路｜Juicy叮
2024-01-12 08:04 
人到中年有不少烦恼，失业可能是其中之一，尤其是有家室之人，一家几口等开饭，家庭经济支柱压力山大。
一名之前月入6万元的IT manager（资讯科技经理）怀疑因为失业多时，在网上发长文自怨自艾，忧一家人坐食山崩，但也坦言无勇气放下身段做保安、侍应等前线工作，做人迷失了方向，「每日都系上求职网、发CV、等电话......无间地狱般不断重复」。网民对此感到心酸，窝心地加油大力鼓励，还热心根据自身经验为楼主指点生路↓↓↓↓
中年IT男失业搵工难发长文自怨自艾逐张睇↓↓↓↓
中年IT男失业搵工难 网民心酸回应逐张睇↓↓↓↓
明白了楼主背景后，知道搵食艰难的网民纷窝心地关怀加以鼓励，施展浑身解数建议各式可行的生路，希望楼主早日搵到新饭碗糊口和担起头家↓↓↓↓
中年IT男失业搵工难 网民心酸回应↓↓↓↓
回应的不少网民均劝楼主放下身段，有人苦口婆心开解：
•每个搵唔到工嘅IT人都会谂自己系咪同个market（市场）脱咗节。讲真有几多人咁无敌真系pickup（掌握）晒所有skill（技能）？......有时真系睇彩数遇唔遇到工。好彩嘅废柴都可以泊到好码头。不过有头家可能搵返supervisor（监督）或者一般senior（高级）会易搵啲，60K真系难搵，搵返35K已经唔错。
•唔知你层楼供完未。如果供完，子女又仲读紧书嘅，咁好简单。卖咗层楼直接去搞移民。你想搵返60K，基本上无可能。要你搵30K嘅工，你心理都唔会平衡到，最大问题系，都无人肯请件50岁做junior（初级）位。咁不如当为咗你嘅子女嘅前途，去外国从新出发。去到外国，你就唔介意转行由低做起㗎嘞。相信你嘅子女将来会多谢你。
•麦当当、7仔等， why not try（为何不尝试）？当兼职做住先都得，跟住报再培训。其实做咩工都唔系人生终点，最重要系keep move on（继续前行），就算畀你一路顺风顺水做打工皇帝，都有退休嘅一日，都有可能面对坐食山崩嘅情况， 只不过系来得畀你想像中早。
网民苦口婆心回应逐张睇↓↓↓↓
•觉得你就算苦读进修，好难追30岁年青人，就算追到！现代好多都唔使经验，唔睇你做过咩大公司，只要你识！无工作经验嘅一定平过你，识又同你差唔多「白纸就算要教都易啲」......可能「经验」成为负累，但年龄又无可能当新人。劝你尽快搵一份工先， 胶著期可以好耐。我自己谂住3几个月可以搵工，点知都用咗几年搵工，最后依家揸咗的士。
•路过。虽然只能够说声加油，保持正面......如果要养家，马死落地行。唔好睇死某啲行业，只要敬业乐业心态就得。例如讲都唔信，有老友好勤力嘅30几岁人，月薪大约3万零蚊，佢1个月有10几日假，空闲时间大约攞10日出嚟揸的士，每日营业收入最少2000几甚至乎4000都有，只要肯放下身段，唔会饿亲你。
•老实讲你已经好厉害，至少勇气可嘉！不停send CV，又试其他嘢，讲就轻松，要转行，仲要年纪唔细，真系一啲都唔容易！除咗加油，你自己真系要放松啲，面对现实唔容易；但冇病冇痛，子女又已经大个，叫做已经比其他人好了。希望你好快搵到工，做住先，衷心祝福你！
另外，有网民在回应栏问楼主「系咪post（发帖）过连登」，又见同一篇文章于2023年9月曾在「香港讨论区」见过。至于帖文下「我是一个MSc in IT 毕业生毕业了很多年了经历过科网年代」的回应更一早于网上流传。
本港失业率维持2.9% 逾11.24万人无工开
政府统计处2023年12月19日公布，2023年9月至11月经季节性调整的失业率为2.9%，与2023年8月至10月数字相同；就业不足率也维持在1%。
总就业人数减少约4700人至3708700人，总劳动人口也减少约8100人至3821100人。失业人数减少约3400人至112400人，就业不足人数为36600人，与8月至10月的数字大致相若。
2023年9月至11月各个行业失业率普遍维持在低水平，与2023年8月至10月相比大多只有轻微变动。劳工及福利局局长孙玉菡当时表示，劳工市场短期内会维持紧绌。尽管仍然不利的外围环境或会有一些负面影响，但访港旅游业和私人消费进一步复苏会继续支持劳工需求。
失业相关新闻：
中年失业男每日扮返工 寄履历无回音「仲以为电话坏咗」
为照顾病妻转工遇裁员致失业近1年 顾家港男食回头草遭同事奚落
树仁仔失业半年转做清洁轻松袋14K 怕太留恋「舒适区」
怀孕港女惊悉男友失业7年依靠综援 分手后忧变单亲妈
瞒家人炒股遇股市暴跌 失业「扮工」港男输身家沦负资产
----
《星岛头条》APP经已推出最新版本，请立即更新，浏览更精彩内容：https://bit.ly/3yLrg
最新回应