独家丨黄庭锋戒甜两周刻苦操出靓腹肌 视梁朝伟为目标盼40岁前稳坐男一
2024-01-12 08:00 
黄庭锋在《你不是她》饰演健身教练「Man」，有骚肌演出令他好大压力，开拍前只得两星期准备，唯有靠戒食狂操。《OPM》后，庭锋未有机会再做男一，35岁的他坦认有点心急，但明白自己仍有好多不足，期望40岁前能稳坐男一位置，视陈豪和梁朝伟为目标。采访：杜杜 摄影：罗安强 服装:Harrison Wong场地:Velo Italian Bar & Grill
庭锋接到「Man」这个角色时，最大压力竟然是在身材上，「监制话畀我听要除衫，平时都有keep吓都唔太担心，但后尾知道系演PT教练，就谂大件事嘞，畀几多时间我操先，得两星期，点变到似健身教练嘅身形呢？！唯有即刻戒食甜嘢同碳水化合物，跟住狂操罗！好彩𠵱家通常见到嘅腹肌都已经有90分，所以我将重点放喺嗰几格朱古力度，希望出嚟大家收货啦！」
双线发展做全能艺人
继去年myTV Super上架的《OPM》做过男一后，庭锋暂时未有再做主角机会，他承认有点心急，始终35岁的他起步较迟，但也明白急不来，「步伐都真系想快啲，但老实讲仲有好多嘢要学同改善，之前做过一次男一，好彩有蒋老师（蒋志光）教我，嗰次经验帮到我。」他希望40岁前能稳坐男一位置，仲有几年时间畀自己好好表现，「对自己有信心或者认同自己，都要决定嘅人去认同你，仲要啲时间或者多啲作品，自己当然希望可以快啲做到。」
讲到目标，电视圈方面庭锋首选陈豪，「首先我锺意佢个人，家庭、演戏又好，我哋都有少少缘份，佢啲小朋友喺我以前教体育嗰间学校读书，有次学校活动见到面，之后我哋多咗话题，佢又好照顾我。」至于终极目标是梁朝伟，「绝对系好榜样，佢好似好淡然，但系咩角色都扮到，工作嘅专业，真系要望住佢去做。」另外，他绝不放弃主持工作，「希望做个全能艺人，所以想双线发展，况且做主持都熟练咗，冇演戏咁大压力。」
《星岛头条》新网站有更多精彩内容：http://www.stheadline.com/
最新回应