星8卦｜「珠女」复出反应麻麻见尽人情世故 靠「鱼佬」密密做养家

搞咗咁多场大龙凤，「珠女」终于叫复出咗，但情况都唔乐观。收埋自己咁耐，坐食一定山崩，所以其间要卖楼，但又卖唔出，好彩仲有个有情有义嘅男人陪喺身边。可惜系「鱼佬」都唔系好有钱，未能有情饮水饱，始终要靠自己做嘢养家。

第一时间梗系搵番当日好锡自己嘅「大家姐」，但呢个世界利字当头，你掂嘅有着数醒人，人哋梗系对你提携，畀多啲机会，但而家同人讲心，「大家姐」出名势利，梗系讲吓就算，你认真就你输。无事无干嗰阵，好多品牌都对「珠女」客气又照顾，但而家咁多新人出嚟，又点会对一个过气嘅人太关注呢？

不过有啲好交情嘅，毕竟「珠女」掂嗰阵都帮过吓唔少妹妹仔，而家叫有话事权，有多嘅，都送啲畀「珠女」用，但就唔使佢做嘢，费事老板知道之后，有唔高兴情况，下次无得送。「珠女」自己知自己事，喺人情冷暖嘅娱乐圈，梗系唔敢埋怨，所以对仲肯睬自己嘅牌子，特别感激。「鱼佬」人缘唔错，已经出尽力帮「珠女」喺自己专业方面搵条出路，可惜唔系嗰类人，到目前为止反应麻麻，而家寄望「鱼佬」搵多两餐，生活充裕啲啦！

 

相关文章：

星8卦｜「乖仔」「哥哥」兄弟情断　红颜祸水搬弄是非玩离间

星8卦｜「歌后」欲擒先纵氹掂「二代」 弃「花旦」娶自己高招

星8卦｜「才子」嫌弃「斯文」老土 偷嗒野性新欢 陷三角关系不自知

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ