独家丨J2文颂男自揭坎坷命运被父亲抛弃变街童 患罕见癌症心酸哭诉：好惨

J2节目《不正常爱情研究所》主持文颂男（Koba）确诊罕见癌症(尤文氏肉瘤)，椎间近盘骨位有个6厘米大的恶性肿瘤，因为剧痛要跪坐及扶住行，目前全面停工做化疗，并靠众筹舒缓经济压力。28岁的Koba慨叹人生不停面对挑战，自揭12岁时父亲抛妻弃子，曾辍学变街童，及后发奋取得教育大学双学士学位，以为从此有好日子过，对父亲充满恨意又被分手的Koba讲到眼湿湿：「自己好可怜，好惨！」采访：方骞平 摄影：邓国良

化疗后甩发的Koba索性做光头仔。

Koba讲到坎坷命运，忍唔住流泪。

Koba对自己都遭遇觉得好惨。

因为肿瘤位于椎间近盘骨位，痛到要跪住坐。

行得有啲吃力。

半年前，Koba椎间位置剧痛，睇完脊医冇改善，因为瞓唔到又坐得辛苦，最长试过以跪式平板支撑近20个钟。由于初出茅庐冇钱买保险，公立医院要排期一年，最后转往深圳港大医院求医并获知确诊罕见癌症，马上返港冲屯门医院急症室，医生指尤文氏肉瘤好少出现成年人身上，而且位置罕见，他自嘲系个特别的人。

剧痛到覆诊都要卧床。

Koba最初往在深圳港大医院求医确诊罕见癌症。

 

Koba患病前系肌肉男。

众筹未够十万善款

目前Koba先接受6个cycle化疗，待肿瘤缩细才能做手术：「啱啱完成第一个cycle共打5针，化疗后唔止甩头发及肚饿，仲好眼瞓，最惨会反胃冇晒食欲，但饥饿感好唔舒服，令到全身麻痹痛，好似俾人打一身，恰住眼瞓都要食药、饮吗啡止痛、迫自己食啲嘢。」至今Koba众筹虽然未够十万善款，但总算帮到生活开支：「因为系罕见癌症，针对嘅药物唔多，最惊用药耐咗会有抗药性，要自费买贵药，庆幸暂时药物效果仲可以。」

第1个cycle化疗，第3至5针要入院做。

病床位于走廊。

一脸病容。

做化疗。

医院饭餸。

要饮吗啡止痛。

每隔4小时服药。

好辛苦呀。

仲要面对5次疗程。

直播交代病况。

 

化疗后好辛苦。

由于要众筹故公开交代病历。

患病期间惨被分手

Koba自爆患病期间被分手，拍拖一年嘅男伴抵受不住压力离去，Koba只能认命：「咁我都明白做唔到正常情侣嘅嘢，每次佢都系嚟照顾我，陪我进出医院，自己又未必能百份百康复，快啲放人走唔好浪费人家青春。」面对双重打击，他坦言系连环不幸，但他早已习惯面对挑战及困难。Koba指父亲在他12岁时离家玩失踪，后来发现早已暗交菲律宾情妇3年，令3母子陷入困境，情绪崩溃的妈妈为搵食，冇时间照顾仔女：「我中三辍学变街童，做外卖仔维生，曾被引诱吸毒做小偷，好彩唔够胆试，年多后突然醒觉要发奋，更庆幸有后补位(成绩太差正选唔收)，入咗职训局读IT，最后以优异成绩考入教育大学，取得艺术管理及艺术教育双学士资格。」Koba曾因迷失变得抑郁，甚至有轻生傻念，到毕业后做到喜欢嘅J2节目及网上节目主持工作，以为人生步入顺境。

Koba12岁时，爸爸离家出走。

做实习老师时跟学生合照。

Koba持教育大学双学士学位。

在网剧《毒祸2》中，饰演现实中做过嘅坏学生。

Koba系J2节目《不正常爱情研究所》主持。

Koba正职系主持、拍摄及剪接网上节目。

曾求助爸爸冇回覆

对于患上罕见癌症，Koba边拭泪边痛心说：「个天无止境咁考验我…我觉得好惨、好可怜呀！有晚同朋友倾开由细到大嘅经历都爆喊。我都想人哋觉得我系幸福嘅！由爸爸一走了之后，我乜都冇晒，佢攞走晒我所有嘢，令我变得咁坎坷…」最近Koba在网络上搵到爸爸，跟新欢收养咗菲籍继女，一家人经常去旅行及出入高级餐厅过得好开心，他感慨说：「我连读书都要靠奖学金嚟撑自己…唉！我曾私讯向爸爸求助，同佢讲『我有病但冇钱，可唔可以畀啲钱我到医院照吓片？』但佢冇覆我。妈妈苦笑叫我放下『过去嘅嘢改变唔到。』」问到可有想过求助曾志伟及古天乐？他笑说唔敢惊动大人物，但都有啲希望：「我唔系要求得到私家好医疗，如果他朝真系要用特别药物时，希望得到资助，期望好返时畀啲好节目我，因为我好用心做幕前。」

三母子相依为命。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ