专栏｜梅迪历天赋可以兑现？（下）

上篇提及过梅迪历嘅Decision Making，而今篇谈及佢嘅传球质素及控制皮球嘅能力。

先谈佢嘅传球质素，我哋往往见佢传个波出嚟都系好大力，唔到位嘅情况，令到经常俾人断到正一正，然后输反击。上季有好多情况都系一交就失，今季系有改善但都唔足够，比较纽卡素哥顿每90分钟嘅短传成功率，梅迪历只有6成半，但哥顿差不多有8成，可以见到梅迪历传球意识仲系麻麻地。

尤其系传中嘅成功率真系唔准，梅迪历喺英超64个传中波，只有20%系可以传畀队友，睇得出佢出波嘅落点系非常差，可以留意下佢出波前系冇望过中间，经常都系凭感觉。依样嘢亦都系控制皮球能力嘅问题，好多时都系好大力，一嘢大步推落底线，令佢调整唔到。

𠵱样嘢其实系一整套动作，先攞波，决定去边，推落底同传中可以见到未见成熟，仲有好大进步空间，8,900万镑身价未来成长空间都仲系有，未来值唔值仲系未知，但我估仲有上升空间嘅。

亦由此可见，车仔𠵱家买嘅球员都系赌博成分居多，究竟赌唔赌得赢，要睇未来两三年嘅发展，但将一队车路士成功嘅球队降到白礼顿发展型的球队系正确吗？Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ