独家丨杜以辰谭永浩唔介意困身冇得旅行演200场长寿剧《青春日志》唔觉闷

2024-01-06 07:00

2019年，杜以辰（前名杜小乔）和谭永浩因合演香港首个长寿音乐剧《我们的青春日志》拍拖，两人由音乐剧初哥，到现在演出超过200场，几年来跟角色一同成长，令他们感受特别深。做长寿剧看似困身兼闷，他们唔认同反觉得每日都有新鲜感，更希望长演长有。采访：杜杜

以辰和永浩寓工作于拍拖，感情有增无减。

以辰由当年的音乐剧初哥，到现在已立志做个好的音乐剧演员。

永浩当日上台仍未够信心演出，现在已懂得享受舞台。

以辰和永浩当年首次参与《青春日志》时，坦认表现完全未达标。以辰说：「嗰时真系好青涩，咩技巧都冇，只系靠内在感受去演，好彩我哋演情侣。」永浩亦好认同，「以前我哋演出，自己就算好感动，观众可能唔知我哋做紧乜，哈哈！但系𠵱家好唔同，知点用声线、身体去表达，令观众感受呢啲情感。」

2019年，刚拍拖的以辰和永浩为《青春日志》彩排。

两人戏裹戏外都是情侣，演起来特别易投入。

靠眼神已经解决问题

两人除得到制作人陈恩硕（Tom）不断提点外，亦有进修演戏、跳舞、唱歌，甚至学埋配音。现在以辰挑战一日两场演出，饰演两个不同角色，「有时日场就做万人迷『Nancy』，夜场就演返乖学生『Jessica』，Tom真系好睇得起我，仲会喺场口之间即刻畀提示我跟住做，但系对角色了解多咗，同角色一齐成长，𠵱家演得好舒服。」永浩就认为这就是长寿剧好玩之处，「我哋唔单止同角色成长，同台前幕后都一齐成长，呢种感觉好正。」

以辰一直演乖乖女Jessica外，最近还挑战女神「Nancy」。

永浩演绎充满梦想又顽皮的「Victor」。

他们跟角色和幕后建立了很好的连系，认为长期演出有安全感多于闷，以辰说：「有次我哋拎漏道具上台，虽然唔讲得嘢，大家一个眼神，其他演员就知道出咗事，一齐谂方法执生，呢种默契真系唔易做到。」对于演长寿剧好难请假去旅行，两人完全不介意，只希望长演长有。永浩说：「喺香港有长寿音乐剧系Tom嘅梦想，一艘咁大嘅船入面，我可以参与其中，透过我演嘅角色传达呢个讯息，佢觉得我帮到手，好乐意继续做落去。」