TWINS宣布终极加场 破纪录14场寓意一生一世

一加再加三加！《TWINS SPIRIT SINCE 2001 LIVE IN HONG KONG》，今日再宣布加开终极第13及14场，相隔9年先再开红馆， 世界各地歌迷非常挂念，疯狂抢飞是场场开场场爆主因，但一加再加，加到12场时，歌迷既开心又开始担心，疯传「佢哋系咪好似Blackpink咁，做埋今次就解约？解散？系咪想生仔退休？咁搏命，唔好呀.......」非常多幻想。

加开13、14场，寓意TWINS精神是一生一世。

今次第三度加场，TWINS两人异口同声喊出: 「哗！今次真系破晒纪录！14场！做完真系可以好似歌迷传言咁光荣引退啦！哈哈哈！」工作人员叫两人咪讲笑，阿Sa先笑道，「哈哈哈.....咁佢哋真系私信问我哋，系咪想解散嘛，哈哈哈，笑死，我哋依家加第13、14场，1314一生一世啊！Twins就算退休都唔会解散，我哋系一生一世嘅好队友，TWINS  SPIRIT系会长存。破晒纪录做咁多场，唔系唔俾我哋农历年「退」下来「休」息一下呀？哈哈哈，放个长少少假都得挂，哈哈。」

二人希望今次演唱会可以继续有握手位。

阿娇:  「系罗，1314，我哋都系一生一世！哈哈，公司话系双喜终极加场啦，歌迷应该最开心，因为我同阿Sa为大家争取到，九成飞放出街卖！今次应该唔会再收到留言话买唔到，求票等等啦？大家千万咪去炒黄牛，等买加场啦，我又可以有飞补少少朋友债啦。」为演唱会排练及keep fit ，阿娇表示今次自己好醒，「我已经学好晒啦(舞步)，个人又瘦番，嘻嘻。各方面都进行得好好，所以对今次演唱会好有信心，大家一齐期待啦。」阿Sa就话，「其实我由第一次开红馆，到今时今日，我每一次都当系最后一次咁做。好珍惜上台同大家相聚机会，希望全力以付，做到最好俾大家啦。不过今次就有一个仍未解决到问题，就系咁多年来我哋演唱会都有握手位，今次我哋都好想有，因为好耐冇见歌迷，但系公司就出现好多反对声音罗，佢哋好担心我哋今次做14场咁多，惊我哋唔好好保护自己，近矩离接触咁多人会容易病，我同阿娇依家都谂紧，点样可以有一个握到手又安全的方式去解决呢个问题，等歌迷又开心，我哋又开心，大家有咩提议？可以留言话我哋知。」

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ