王双骏首开作品音乐会 霆锋撑场暗藏Eason有份

 

人称Carl叔叔的王双骏是行内有名的音乐人，92年正式开始唱片监制的工作，期间合作过的歌手不计其数，今年3月9日他将会于会展首开其作品展，是次音乐会以「Hats On」为题，全因Carl叔叔多年的「招牌」戴帽造型：「我好锺意帽，储咗差唔多廿年， 而当中有好多顶帽都系有好多唔同嘅故事同经历。我觉得唔同剪裁、唔同设计、唔同物料嘅帽，各有形态，每顶帽都有佢自己嘅个性，同今代我邀请嘅歌手、乐手一样，每位都有自己嘅特质同长处，作为监制嘅我，同样会将每个人最好嘅独特一面呈现出嚟。」

 

Carl叔叔戴上五顶帽子，每顶都代表将于音乐会上演出的歌手。

 

是次演出阵容，当中包括谢霆锋、麦浚龙、柳应廷、李骏杰、吴林峰及& The Duo Band等，Carl叔叔指全是多年来合作无间的歌手，并称:「我识霆锋时佢得十九岁，系个好『刺激』嘅人，完全唔理世俗眼光，喺我哋嘅创作入面，听众会感受到好多热血嘅火花，睇住谢霆锋由年少轻狂，慢慢发展出一种稳重，成为一个好全面嘅艺人。而我识Juno嗰阵佢得十几岁，咁多年嚟我哋倾偈嘅方式好特别，十句入面有八句都系『废话』，但系呢啲默契会成为创作概念，我哋『斗』天马行空、『斗』不著边际，所以每首歌都会有唔同嘅惊喜。& The Duo Band嘅合作，唔止改变咗我嘅音乐生涯，甚至影响埋我成个人生，我学识咗，好多时唔需要谂太多，玩咗先，令自己开心就足够，我同& The Duo Band有好多回忆，启发我好深。」& The Duo Band成员当中其实暗藏Eason，难怪好多心水清的歌迷都觉得阿Eason好大机会都会出现支持。

 

王双骏说每顶帽都有不同的音乐故事。

Jeremy是王双骏其中一个最欣赏的新进歌手。

Juno跟王双骏认识超过二十年。

 

至于新生代歌手，Carl叔叔说：「最初收到邀请帮Jeremy（李骏杰）造歌嗰阵系特别兴奋嘅，好欣慰对方终于有呢个机会，因为香港乐坛好耐冇出现过呢种『质地』嘅艺人，佢好知道自己想要咩，对监制嚟讲系一件好幸福嘅事，Jeremy系其中一个我比较偏心嘅合作单位。而JER（柳应廷）就好似航行大海嘅水手，只会向前，永远见唔到佢向后行，佢唔会随风而摆，好知道自己希望呈现嘅音乐系咩样，同佢加埋小克创作嗰几个系列，系我近年玩得最复杂但又最起劲嘅音乐企划。」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ