独家丨李芯駖拍完勾引男人戏上晒瘾岑珈其唔介意常做搞气氛角色

2023-12-27 07:00

COLLAR成员李芯駖首度拍剧，在《法与情》中跟岑珈其饰演一对欢喜冤家，珈其大赞女方有天份完全唔似初哥。芯駖坦认破碎童年经历，对演戏有一定帮助，未来亦想挑战更多不同角色。采访：杜杜摄影：钱文坤

珈其投诉芯駖两次粉丝应援他都不在场，芯駖即安抚他下次专登为他准备一份。

芯駖以新奇形容自己的第一次，「细细个已经睇珈其演戏，哈哈！𠵱家竟然做对手，感觉真系好新奇。」虽是新丁，但前辈珈其赞她有潜质，「佢一啲都唔似新人，好犀利，好畀心机准备得好好，去到现场同佢对戏，完全唔觉得佢好紧张，我形容系有天份，佢无论系讲对白或者走位，都唔会生硬，冇乜嘢要提佢，唯一同佢倾都系分享啲做演员嘅心态。

两人剧中是律师楼同事，经常斗气互窒。

破碎童年经历助入戏

剧中芯駖有不少感情戏，对她绝对是大挑战，「我有3场喊戏，其实要喊唔难，但要喊得适当又要讲到对白，真系考功夫，同埋呢啲戏要动真情，拍喊戏前后自己都会唔开心，会勾起好多情绪。」早前她在节目《日本GAO芯假期》曾喊住自爆有个破碎童年，她承认丰富人生经历对演戏有帮助，「唔开心到乜嘢程度，都可以喺经历抽出嚟，演员系好伟大嘅职业，因为好赤裸，成日要面对自己一啲唔想面对嘅嘢或者负面情绪，攞返出嚟做养份，但好玩，如果能够做到个作品都好有意思。」

热爱踩单车的芯駖，都想挑战演运动员角色。

芯駖有不少喊戏，要拿捏感情有难度。

芯駖在《日本GAO芯假期》喊住自爆有个破碎童年。

戏中两人的对手戏较为轻松，对于经常被安排搞气氛角色，珈其绝不介意，「作为演员，当然想有多啲唔同挑战，咩都演吓，但系人哋锺意睇我做喜剧都开心，大家会有呢个记忆点，只不过搞笑难度好高，成日惊做唔到个效果。」而芯駖就想尝试更多类型角色，「暂时搵我都系做啲管理层或专业人士角色，其实小鸟依人或者诱惑性啲角色都得，我之前客串《出租大叔》（ViuTV新剧），有幕要着住睡衣勾引人，都几好玩，因为同我人设系两件事，有多啲唔同面向show到畀人睇。」