原来视咁的│郭柏妍新突破演绿茶婊丁丁盈盈似连体婴锡唔停

2023-12-19 16:15

由徐正康夥拍新鲜人陈萍April担任监制的新剧《你不是她》，于圣诞夜（25日）起、逢周一至五晚8点半在翡翠台播映，主要演员包括丁子朗（丁丁）、冯盈盈及郭柏妍等。剧集是百分百纯港式现代爱情小品，盈盈与丁丁首度升呢女一男一之作，2人为剧集瞓身拍摄。而郭柏妍首度突破清纯框框，饰演bitchy味十足的「绿茶婊」。

丁子朗与冯盈盈在剧中有不上肉搏场面。

丁丁盈盈锡到停不了，事前已有心理准备。

丁子朗在剧中与冯盈盈饰演恋人，在早前播出的宣传片中，冯盈盈与丁丁爱得相当甜蜜痴缠，不少镜头均如连体婴般黐到实一实，其中一幕「爱的孭孭」，唯美画面加上冧爆表情，让人更期待他们在剧中互动。2人受访时坦言是拍剧以来与拍档最多亲密接触一次，冯盈盈说：「系入行以嚟最大挑战，监制April有事先讲明亲热戏有讯息，系想透过我哋嘅互动同交流带出情侣嘅感觉，令观众感受到爱情嘅力量同火花。」丁丁则说：「呢套真系好多锡锡戏，因为系纯爱情剧，会好深入咁讲爱情，咁难免会描述到情侣间嘅亲密行为，就好似一对情侣每日都会有亲密行为咁。事前April怕我哋尴尬，拍摄亲密戏前会预留多啲时间彩排，希望出嚟效果会好，令我哋拍得舒服啲同少啲压力，好多谢监制佢哋。」

郭柏妍搵细佬练嗌交

　　至于郭柏妍以超热裤造型、与林景程在床上亲密揽揽之馀，更声大夹恶向冯盈盈挑机，最终更在床上大打出手，相当有睇头，谈到与冯盈盈之战，郭柏妍坦言是拍剧突破之一：「我同盈盈决战咗一个晚上，我拍咁耐剧第一次咁样同女仔打斗。」

郭柏妍抛下港姐包袱饰演「绿茶婊」，令人期待。

郭柏妍与林景程在床上亲密揽揽。

　第2大突破是饰演绿茶婊，郭柏妍更指自己是一口答应：「我估唔到监制会搵我做呢个角色，佢同我以往角色非常唔同，我觉得系几好嘅尝试，所以一口答应咗。」谈到剧中某些场口要向人破口大骂，郭柏妍坦言有难度，皆因平时很少与人吵架，更笑言拍剧期间为投入角色辛苦了亲弟：「我会有事冇事都搵啲嘢同佢闹吓交，所以都要趁呢个机会同佢讲声对唔住。」第3大突破则是与景程的亲密床戏。