星8卦｜「矮人」恃靓仔专食人妻烂赌得罪「阿太」失靠山

2023-12-19 11:30

见到「矮人」就唔开胃，系！阁下的确几靓仔，问题系生得矮呢，咁仲可以出到位，真系你做咗几多好事至有咁好运气！或者又可以咁讲娱乐圈已经一年不如一年，以前嘅明星气质喺今日嚟讲系绝响。

「矮人」虽然攞咗冠军，但运气始终麻麻，系好唱得，未遇到伯乐就无计。直到「阿太」喺一次演出对佢生滋猫入眼，决定出手同佢公司讲数，拎咗成七位数话要捧红佢。公司梗好㗎，有大水喉射住咪帮佢落力做，果然系无乜人材情况下，「矮人」凭住精致五官同正常嘅表现，渐渐俾人接受。可惜人嘅质素唔得，有「阿太」照顾令佢无后顾之忧，凭住名气周围沟女，最喜欢食人妻，话无手尾，结果太多女俾佢食过，一两个唔生性，就会扬晒出嚟，花心形象令佢扣咗啲分，但今时今日粉丝又唔系太介意。

最紧要令「阿太」决定唔再照顾佢嘅原因，唔系因为食女太多，自己都有老公，玩吓又有乜所谓，而系有钱之后，「矮人」回复以前嘅本性，成日过大海，又赌啲唔见得光嘅游戏，总之有得赌连自己姓乜都唔记得。短短一两年间，「矮人」输咗几百万，全部由「阿太」埋单，由当初喊晒要「阿太」帮到最近非找不可，「阿太」知道多多钱都唔够佢输，主动划清界线自保，睇吓「矮人」靠自己搵嘅去赌可以撑几耐！