星8卦｜「家姐」误信「有钱」以为有婚结 做好事救「妹妹」出生天

「家姐」性格大方，亦好明白女人喺江湖中为咗搵食，形势唔够强就好易俾人恰，所以佢对所有「老细」都唔敢投入真感情。初初跟「有钱」一齐，觉得对方咁多女人，自己又点会系最后一个，趁自己仲有个钱，「有钱」唔敢对「家姐」太霸道，只系贪慕虚荣，有个出名又靓嘅女人喺身边。

久而久之，佢竟然对「家姐」求婚，仲话以后只得佢一个。「家姐」初时都觉得受宠若惊，大话讲得太认真，女人总有些少天真位。但后来俾佢发觉「有钱」原来都有对其他几个有名气嘅女人用同一套手法，其实系唔会有结果，「家姐」劲在可以同佢啲女人和平共处，其中一个「妹妹」最唔红又跟咗「有钱」好些时间，一直俾「有钱」食住，慢慢情绪出咗事。

「家姐」嗰种正义感出晒嚟，加埋不值「有钱」嘅所作所为，竟然同「妹妹」提出一齐住，话互相有个照应，吓到「妹妹」以为乜事，「有钱」梗系应承，要话畀全世界知佢有本事到可以令自己所有女人都和平共处。「家姐」为咗帮「妹妹」仲成日出双入对，好姊妹咁令「有钱」其他女人眼红，其实「家姐」已经有部署，自己有一定地位，无谓做到太卑微，但就唔放心「妹妹」怕佢会玩死自己，惟有尽最后一份绵力帮佢重出生天，可惜「妹妹」唔争气，从此一蹶不振，「家姐」最后要自救，都唔理得咁多啦！

【相关文章】：

星8卦｜「生果」沟仔叻有男人缘 惨痛经历获老公包容有后福

星8卦｜「阿太」心野想搞不伦恋上位 被「无敌」直白踢爆收皮冇瘾

星8卦｜「浪子」逢女都上 买公仔沟掂「女DJ」成笑柄

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ