周海媚逝世丨黄日华忆「阿妹」昔日脸部常现红斑 曾多次传讯息无任何回覆
2023-12-13 21:30 
周海媚前日（11日）离世，终年57岁。周海媚离世消息昨晚传出后，死讯震撼中港台，不少圈中人亦纷纷悼念昔日合作过的好拍档。曾与周海媚合作的黄日华、苗侨伟今日接受TVB《东张西望》访问，痛忆昔日好拍档。
【相关阅读】：周海媚逝世丨重温从影38年经典角色！ 周海媚凭《倚天屠龙记》获封「最美周芷若」
【点击睇黄日华讲周海媚】：
与周海媚以兄妹相称的黄日华在《东张西望》中表示，在前晚（11日）已经收到初步消息：「成日传佢死咗，（心谂）唔好玩啦，唔系真嘅。我喺酒店都帮佢念经，希望大步槛过，唔好系真。我哋坐高铁返香港，喺高铁一落车过关，我睇到心机都『吓！海味走咗』，系一个晴天霹雳嘅打击。」
黄日华周海媚拍《义不容情》上契
黄日华昔日曾与周海媚合作《杨家将》、《义不容情》等剧视剧，黄日华忆述往事：「我初初第一次识佢系《杨家将》，啱啱选完港姐出嚟，系一个好乖、好单纯、又唔出声小妹妹。我哋成班人玩埋一齐，佢就坐埋一边睇书，静静望住我哋，之后再拍《义不容情》，大家都熟咗好多，拍完之后公司同我哋搞咗个上契仪式，我哋三个成为三兄妹，所以我哋嗰时关系好好。海味嗰阵性格好开朗，个人好率直好真，佢演啲楚楚可怜角色又好入型又格；私下性格觉得系女嘅硬汉子，敢作敢为，系一个爱恨分明嘅人。」
黄日华提到后来周海媚再返香港拍电视剧，两人曾经见面：「佢畀咗个电话号话我，话佢会成日换，之后我发好多讯息畀佢都冇覆，可能又改咗电话；同佢好多年都冇联络，但系冇啦……而家再无机会听到佢把声。」
【点击睇周海媚讲患「血小板偏低」】：
苗侨伟大赞为人随和
苗侨伟2009年于《学警狙击》与周海媚饰演一对恋人，苗侨伟忆述当时两人合作：「我同海味识咗好耐，大家都系80年代出道，但我同佢真正合作系《学警狙击》，嗰段时间相处比较耐，佢嗰阵系专程返香港同我拍，佢份人好nice，好随和。虽然咁耐无返香港拍剧，但依然游刃有馀，合作得好开心，好可惜。」
黄日华曾问周海媚是否患红斑狼疮
苗侨伟又提到当时与周海媚合作期间，对方状态好好：「冇话身体有咩唔舒服，剩系话佢有红斑狼疮，可能系免疫系统出事，我以为好小事，同佢拍嗰阵有冇唔舒服。」而黄日华亦提起周海媚身体情况，指拍《天地豪情》期间，经常见到对方脸部有红斑：「佢欲言又止，似系唔想讲咁detail畀我知，佢话『阿哥，冇嘢，我会搞掂，放心啦。嗰阵传佢有红斑狼疮，我都有问过佢，佢话『冇事，阿哥，我会睇好自己』，嗰阵时开始担心。」
【其他文章】：
周海媚逝世丨网疯传疑似病历 上周呼吸困难需吸氧 送院意识丧失兼心跳停止
周海媚逝世丨「前夫」吕良伟56字哀悼旧爱：愿你在另一个世界继续欢笑
周海媚逝世丨任达华忆周海媚身体麻麻常有瘀伤 《大闹广昌隆》林家栋悼爽朗姐姐
周海媚逝世｜57岁周海媚仍单身 曾秘嫁吕良伟后闪电离婚 有过8段情史
周海媚逝世丨坚拒医美「优雅地老去」获激赞 崇尚顺其自然：皱纹代表人生
周海媚逝世｜周海媚昨逝世为黎明57岁生日 两人曾传相恋同年同月生
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应