星8卦｜「生果」沟仔叻有男人缘 惨痛经历获老公包容有后福
2023-12-12 11:30 
「生果」都成半百岁人，但仍然保持恐怖嘅少女心，出亲嚟都好似30年前嘅模样，呢啲唔系叫童颜，而系叫唔肯认老。「生果」虽然冇乜机会大红过，但沟仔能力好强，咁多年唔使出嚟卖，但个个男人都畀钱佢使，而且好舍得。
直到有次签咗个骑呢经理人，咁啱喺屋企出咗事，条友唔知做乜，讲话自己个艺人俾人搞，搞到全城震撼，不过好彩「生果」份人平时好好，积落唔少福，单嘢好快就俾大家揿住，咁多年都唔会俾人攞出嚟做新闻，呢啲都系「生果」嘅不幸中大幸。
「生果」因为桃花旺，好快就遇到而家嘅老公，佢完全唔介意女友嘅过去，仲好快就求婚，搞到「生果」觉得系唔系㗎，本小姐唔想咁快俾人绑住，所以一直唔肯应承同佢确认名份。最离谱系其间「生果」遇到自细就好想识嘅「男神」，竟然有机会合作，佢梗系唔客气，运用媚功同天生沟仔嘅特异功能，一心将对方搞掂。
哈，你又估佢唔到原来「男神」对女人完全无兴趣，唔怪得「生果」扭尽六壬都无办法埋到身。呢个时候而家个老公再出声话娶佢，「生果」觉得呢个时候都唔好再玩，所以肯做人妻，好彩老公一直对佢好真心，所以婚后仲畀佢出嚟扮美少女，屋企有男人锡嘅女人，真系以为自己永远青春㗎，任性系要有条件嘅！
【相关文章】：
星8卦｜「阿太」心野想搞不伦恋上位 被「无敌」直白踢爆收皮冇瘾
《星岛申诉王》将推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应