新闻女王丨前主播方健仪因一原因同「Man姐」撞样 自爆因身材差被委派隆胸放蛇
2023-11-28 17:00 
TVB台庆剧《新闻女王》上周一（20日）首播后受全城关注，不单成为网民的讨论热话，甚至连真‧主播亦加入讨论行列，饰演「Man姐」的佘诗曼，更加是话题人物，在讨论区获洗版式留言，她的主播Tone亦被赞好：「佢应该练咗好耐，真系报导得十足方健仪咁样」主播出身的方健仪，昨晚（27日）在FB开live，解开大家的疑团！
【相关阅读】：新闻女王丨有线主播竟在办公室开电视追剧！ 网民激赞佘诗曼演技报新闻似方健仪
【点击睇佘诗曼方健仪造型】：
方健仪昨晚（27日）在FB开live，穿上白色外套兼短发造型的方健仪，与《新闻女王》的「Man姐」造型近似，她笑说：「因为我今日（27日）做司仪套衫系类似泰山装，所以咪熨好呢件褛，带定去着，我熨好晒又冇着过，觉得好嘥，所以咪留番做live嗰阵着。呢排好多朋友私讯或者留言问我，系好有趣嘅事，好老实讲，我真系冇睇过，因为我咳到七彩失咗声，如果冇嘢搞就会瞓觉休息。」有网民留言称方健仪现时的发型与剧中「Man姐」一样，方健仪笑笑口说：「其实认识我嘅朋友，都知呢个发型都keep咗好几年时间，其实我嘅发型师都认识Man姐嘅化妆师，而Man姐嘅化妆师其实系我结婚时用嘅化妆师，大家都系好熟嘅朋友，我哋个圈子好细，好多嘢系有趣。」
【点击睇方健仪离开主播行列转变】：
期间方健仪亦有分享当年做无綫新闻采访的工作，笑言自己认识丈夫最难忘是一次「放蛇」行动：「呢单新闻真系好好笑，嗰阵叫做有少少经验，唔使喺记者嘅基础功度做起，有一日消委会话收到啲投诉，有人因为用咗『PAAG』嘅物料隆胸而有副作用，总采访主任可能觉得我身材比较差，拣咗我去深圳『放蛇』隆胸，嗰阵我好乖，好少反抗，好多人话我个样好似好霸气，同而家嘅电视剧好似，我其实完全唔系，我系好乖嘅一个人，老板叫我做咩就做咩罗，总之我哋有底线，就系犯法嘢一定唔做。」方健仪续说：「嗰阵有个美容师，我同假扮男朋友嘅摄影师一齐上房，成个过程好顺畅，可能因为我身材差，结果嗰单新闻好顺利，唔使半个钟就拎晒啲料。」
【其他文章】：
新闻女王丨收视报捷登上周之冠！佘诗曼NG片段曝光 尽失Man姐气场
新闻女王丨 佘诗曼霸气登场获黎姿留言！曾因演技差兼鸡仔声一度想退出娱乐圈
新闻女王丨王敏奕演技大跃进！吓到爆喊令人心疼 佘诗曼马国明对骂火药味浓
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应