专栏│B费独力难支红魔难食拖肥糖

2023-11-26 08:00

今个星期完咗国际赛，五大联赛随即展开，不经不觉已经踏入季中嘅阶段，唔少球队都开始上力，表演越来越出色，其中一队必定系爱华顿。

拖肥糖刚刚国际赛期间违反FFP被扣10分，不少人都认为佢哋会变成降班大热，但我不敢苟同，因为扣完10分依然仲有4分，同护级线只系差2分，仲要刚刚4场不败，3胜1和嘅战绩。大家都话护级队最重要入波，而今年都真系入到唔少波，卡维特利云已入4球，杜哥利都有3球进帐，戴治往往为人诟病嘅入球能力，都得到解决。

反之曼联就认真头痛，近5场就只系赢得2场，对手只系富咸同卢顿，都系仅赢一球。今季最大问题绝对系锋线问题，海伦都系欧联入波，但联赛就哑火，继续水土不服，福仔今季冇埋影，只有1入球1助攻，表现认真唔好。咁惟有继续睇般奴费南迪斯可以持续到几耐，靠佢精准嘅传波或一脚天外飞仙，究竟可以救到曼联几多次。

爱华顿对曼联精彩嘅原因绝对系双方前线既攻击能力，边队会入到波？同时爱华顿扣完10分，士气可唔可以继续保持定系一沉不起？所以呢场波绝对不容忽视，小弟决定推介主胜。Willhappy

-----
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ

關鍵字