星8卦｜「打得」感激「公子」栽培讨厌老公怕事胆小离婚再拼博

2023-11-17 11:00

因为离乡别井打拼，「打得」好感激「公子」一直对自己好照顾，「公子」有个特殊癖好，特别锺意一啲又乾又瘦嘅女人。「打得」同「公子」相遇正值人生低潮，所以成副营养不良咁嘅样。「公子」见佢背景都有料到，读过吓书身手唔错，嗰几年真系扔咗好多钱去「打得」身上，而佢又好争气，令到公司都有名有利，「公子」最威都系嗰几年。

之后两个人情投意合好快结埋婚，但「公子」一味想老婆生仔唔好再出名，「打得」仲觉得自己有排玩，呢一样嘢始终共识唔到，仲要系「打得」性格比较强。好似有次交通意外，系闹市鬼咁引人注目，「公子」怕事一直坐喺车上面唔肯出嚟讲数，对方见你怕事梗系唔客气，歪理当道理要佢哋赔大笔钱。

「打得」睇唔过眼，终于喺重要关头落车同对方理论，而且句句都系道理，但一嘈就成条街啲人都望实晒，唔知「公子」做乜咁怕事，竟然落车自己行咗去完全唔理老婆死活。呢件事之后听讲「打得」无同「公子」倾咗成个月偈，久而久之睇到对方啲唔负责任嘅行为，主动喺一年后单方面离婚，从此各行各路，完全唔再联系。