前港姐唐丽球女儿激罕曝光！父系基因强大撞样庄子璇 曾留学加拿大韩国
2023-10-27 10:00 
现年59岁、1984年港姐季军唐丽球（波波）与吴毅将婚后育有一女吴梓希（Janelle），专心相夫教女的唐丽球即使脱离幕前工作，但依然保养得宜，早前她接受好友锺慧冰的访问，当年广告模特儿出身的唐丽球，参选港姐而加入了TVB后，发生了一件事，令她印象难忘！唐丽球亦罕有地提及女儿吴梓希，自爆向女儿传授爱情心得。
【相关阅读】：58岁唐丽球晒纤幼长腿网民激赞有少女味 陪吴毅将食茶记够贴地
【点击睇唐丽球近照】：
同样是港姐季军的唐丽球与锺慧冰，私底下老友鬼鬼，难得两人有机会坐埋一齐倾偈，当然一轮咀「讲唔停」，锺慧冰赞唐丽球不单样子没有变，连性格亦没有变，唐丽球笑说：「呢个心态系几好好多，以前我成日都唔明乜嘢系糊涂是福，但其实你回想几十年，谂深一层，仲乜要咁清醒？」重提当年选美原因，唐丽球直言是响往香港小姐的光环：「嗰阵都有谂过想入娱乐圈，但系我系预咗会输，只系谂住去衬，反而又未玩过，咪去试吓，我真好冇大志，真系抵我赢！高丽虹真系好靓，我系输硬，一睇已经觉得佢系冠军。」
唐丽球入行后收入大跌
不过唐丽球入行前做广告模特儿，当时收入好好：「本来我系想行catwalk，但系唔够高，之后去拍广告，一个job最少要拍4个钟有2000几蚊，喺80年代已经系好好，可以供自己读书，我仲试过同张国荣拍广告，成班年青系好好玩，跟住咪叫我参加港姐，但系入咗TVB，做咗港姐就惨，因为冇钱，一个月先得嗰2000蚊，又冇乜骚做，就算连剪彩都冇钱。」唐丽球忍不住分享了一个笑话：「我哋以前香港小姐成日要剪彩，冠亚季成都一齐去，屋企收藏咗好多金铰剪，你知做呢行真系冇钱，好穷，下下又要的士，当年仲同两个女仔一齐租地方住，仲要住广播道，但系大家都搵唔到钱，佢哋咪提议我拎啲金铰剪当咗佢，于是咪去佐敦道啲金铺换咗佢，拎咗三把，点知原来三把都系假，我仲以为系真，因为把铰剪拎上手系有重埋，嗰阵真系好尴尬，但系真好好笑。」
锺慧冰亦大爆唐丽球锺意靓仔？不过她否认并说：「我谂冇人唔锺意靓仔，但其实我都算唔系，我系睇个感觉，同一个人有冇feel，第一眼系好紧要。当年有个男仔第一眼系冇FELL，但系啲人话佢好好好，咪走去尝试，了解咗先，但原来唔锺意就系唔锺意。好似以前我成日好响往同男朋友行沙滩漫步，好浪漫，终于有一次佢同我去沙滩漫步，点知去到我觉得啲沙好污糟，个天又黑，咪叫佢快啲走，原来当一个唔系你想要嘅人，同你去做啲一啲幻想好浪漫嘅嘢，个感觉系唔系一样，跟住咪同佢讲，唔好意思，拍极拖都冇feel。」
唐丽球向女儿传授爱情心得
唐丽球还说：「我每次拍拖都想结婚，系想将来，可能因为咁所以成日惹俾人撇，因为有压力嘛，分手嗰阵对方都会话『因为你太好，唔想伤害你，你应该值得有一个比我更加好嘅人』。」锺慧冰问她有否女将自己的心得有教女，唐丽球说：「我有教佢千祈唔好畀对方知你有几爱佢，男人呢，如果俾佢觉得佢对你系好重要，佢咪唔会care你罗。」不经不觉，唐丽球的女儿已经20岁，早年与老公更女儿送往加拿大和韩国读书，唐丽球甚少让女儿的样子曝光，直到近年才将母女合照放在社交平台，女儿吴梓希的外貌偏向似爹哋，更有几分似应届港姐冠军庄子璇。
【其他文章】：
吴毅将内地登台发恶片网上疯传 网民吓窒嗌报警：坏到我都想打他
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应