星8卦｜「秀气」「才子」痴恋不得善终被分手变第三者杀手吓怕人妻

2023-10-27 11:00

有啲女人嘅命特别桃花旺盛，而大部分嘅男人都系俾佢哋嘅外表呃晒！「秀气」简直系表表者，出道前男友一大堆，但出道后就扮纯情，拍咗套青春电影，既同男主角挞着，亦同初次执导嘅「才子」爱得要生要死，于是成部戏拍得佢又靓又有气质。佢系大赢家，连演技派男主角都助佢一把，但最后「秀气」拣咗同「才子」一齐，因为对方喺佢身上搵到初恋感觉，竟然返去同自己当年喺大学追到嘅校花老婆讲分手。

「才子」唔系无本心嘅人，但「秀气」就成日表态话唔做第三者，叫佢二拣一，结果「才子」返屋企要老婆离婚仲即刻卖楼，话要笔钱同「秀气」生活。老婆好伤心，于是有一晚谂唔通玩自杀，「才子」终于停低谂一谂，决定唔再抛弃发妻，但轮到「秀气」要生要死，话要同「才子」一拍两散。结果「才子」返咗老婆身边，亦搵咗自己嘅老板同「秀气」解释，佢仲有大把前途，唔值得为「才子」名声尽毁。

虽然「秀气」放咗「才子」一马，但从此佢就成为第三者杀手，专拣有老婆嘅埋手，咁多年都搞散唔少家庭，所有老婆一见到佢都唔准老公接近，但呢种鸵鸟政策只会令「秀气」觉得好玩，更有成功感！　　　　