独家丨林家栋承认爱做幕后满脑大计 入行35年仍享受拍戏被导演「虐待」
2023-10-27 07:00 
由郑保瑞监制、李子俊执导、林家栋主演的《第八个嫌疑人》，以1995年番禺抢劫运钞车案作蓝本。家栋首演公安要讲普通话有难度，而瑞导和李导就大赞家栋充满创造力，加上超强投入度，所以频频合作。有传入行35年的家栋将返娘家TVB执掌制作部，担任电影监制13年的他承认做行政工作有经验，亦对幕后工作有兴趣，目前正为首次执导做准备，恭喜定林导演先。采访：杜杜 摄影：罗安强 发型:梁伫鸣Alex@Salon Nova（家栋）化妆:张杨蕊而[email protected]. Factory （家栋）场地:1881 Heritage
李导对抢劫运钞车案好有兴趣，「究竟呢两兄弟系21年嘅逃亡生活系点？最想讲人性嘅刻画，着墨喺人物入面。」家栋认为故事容易引起内地观众共鸣，「喺90年代属于世纪大案，当时唔见1500万系好重要嘅事，睇见好多评论话『细个喺呢度长大，爸爸妈妈带我嚟睇过呢啲地方』，对观众，尤其系新一代会好奇。」
爱家栋富创造力兼投入
戏中家栋演公安「王守月」，花了21年追捕两名主犯，他笑言要演跨度大角色并非最难，「古装都系咁拍，哈哈！」反而首度做公安，花了不少时间做准备，「导演带我哋去佛山公安部门参观，畀咗啲video我哋睇，开会都容许我哋听，睇到佢哋处理都好人性化。我有问可唔可以带我去睇破案呢？佢哋话『我哋要保护埋你哋，唔好嘞』哈哈！」全片主要讲普通话，他就视为突破，更笑指：「系舒服地演出，但艰难地接收，哈哈！当大鹏讲广东话，同我讲普通话时，大家都唔……（无奈样）哈哈！大家都专业，我勉强应付到啦！」
瑞导今年另外两套作品《断网》及《命案》、李导首执导的《狂兽》亦是跟家栋合作，后者透露今次只有概念，剧本未写已搵家栋，追问「锺爱」家栋原因？3人即狂笑。瑞导解释：「当然家栋嘅演技唔使怀疑，做导演就会咁样去睇，佢仲有咩可以畀我掘，有乜嘢摆落佢度，喺呢个角色加呢个演员有咩化学作用，不其然谂到不如搵家栋罗！」李导更夸张，「第一次睇完周汶儒写嘅剧本咁紥实，第一个画面就谂起家栋，佢有好大创造力，大家好似抛波咁抛嚟抛去，我哋合作模式系咁，会有惊喜。」拍摄时家栋就算伤脚，也连踩18个钟拍摄，令两位导演对他多一份爱，瑞导直言，「我就感受好多，哈哈！点样都肯同你再嚟，做导演最开心遇到演员令到现场气氛好，当个演员都用咁嘅态度面对个戏，其他人就唔会放松。」李导认同说：「冇佢嘅戏都会坐喺我哋侧边。」家栋搞笑解画：「我改英文名叫阿Ｍon，你系睇住个Ｍon啫！」
家栋有演员梦仍未达成
电影在内地上映，成为「2023年一周票房冠军」，而主演的大鹏更夺得《第25届上海国际电影节金爵奖》最佳男演员，3人希望好成绩能延续到香港，瑞导更希望这次成功，证明香港制作人能驾驭到拍纯内地题材，甚至是未来发展方向，「我哋可以去第二啲国家，唔只内地，拍唔同地方嘅故事。」家栋补充：「全宇宙！」瑞导坦言单是冲出亚洲已不错，「去马来西亚、新加坡、台湾、越南拍戏，都可以拍到当地嘅味道，至少系一个方向，当然我自己做唔到，但系子俊今次做到嘞！」
最近传出家栋将返娘家TVB执掌制作部，他出席首映礼时，未有明确否认，其实他对幕后工作一直有兴趣，由2010年监制《打擂台》开始，已有3套作品面世。他坦认很享受同时兼顾监制和演员，时间分配不会排优先序，「边样埋嚟咪边样先罗！幕后岗位真系花多好多时间，要由创作开始，幕前真系比较舒服，时间容许我都锺意演出，我都未完晒自己啲梦。」问到系咩梦？他即抛波给两位导演，「睇佢哋几时再虐待吓我先啦，哈哈！」明显他好享受这种「虐待」方式，瑞导都忍不住笑他，「你唔使听佢讲！」家栋每次开工都好开心，「唔知点解每次去到现场见到啲crew、机器，会好兴奋！」做监制和演员还未够喉的家栋，正为首次执导做准备，「真系有谂，但系剧本好花时间，我都希望尽量能够有个好嘅剧本，令大家都接受，有个新角度。」至于会否自导自演？他就有保留，「嗱！呢个系现实嚟，要睇投资方点睇，哈哈！我主观上未必想自己埋位，因为真系有盲点，但呢刻唔谂住，谂咗个剧本先。」
《星岛头条》新网站有更多精彩内容：http://www.stheadline.com/
最新回应