前亚视小生甄志强罕谈恋名媛赵金卿！自认唔穷非食软饭 演过「展昭」拒认二打六
2023-10-16 19:00 
有「最帅展昭」之称的前亚视小生甄志强（小强），当年在亚视出过不少剧集，其后一度转投TVB发展，谈到印象最深刻，一定是甄志强曾与大23年的富婆赵金卿拍拖，当时惨被冠上「软饭王」，近日甄志强接受好友杨绍鸿的YouTube节目访问，于当年与赵金卿的一段情，他坦言因为压力太大而无疾而终！
【相关文章】：「最帅展昭」甄志强发福为晚宴演唱 近10中年富婆冲上台包围艳福无边
【点击睇甄志强与赵金卿的一段情】：
甄志强当年在亚视剧集《碧血青天杨家将》饰演展昭，凭俊朗的外型令人印象深刻，但其后因为与比自己年长23年的富婆赵金卿拍拖而被冠上「软饭王」的称号，在节目上，甄志强坦言觉得「我拍拖有咩问题呢？」他更说：「只不过系有啲人夹硬去写一啲桥段出嚟，好多人咁讲，嗰阵系好唔开心，好老实讲，我喺亚视嘅人工都唔算弱，唔怕讲，当年交嘅税项都接近20万，净系亚视份粮都未计其他。」
甄志强还说：「当然站喺嗰个人嘅立场，佢喺香港叫做有啲知名度，嗰啲人系用钱去衡量高低，嗰阵我仲年青，觉得我哋拍拖又唔关你事，但原来唔知伤害性有几得人惊，做到展昭都被人叫『二打六』，咁都冇办法呢，即系何家劲都系？佢哋系咪将一啲嘢夹硬扭曲嚟讲呢？我真系唔系『二打六』喎，观众觉得做展昭算唔算系『二打六』？如果你觉得系，可能金超群都系！」
【点击睇甄志强近年生活】：
甄志强承认恋情因压力太大而无疾而终：「站喺佢嘅社交圈子里面，佢真系会遇到好多商界嘅人，出嚟做生意都要畀面派对，有啲慈善活动又要捐钱之后又要出席活动，最初第一次去啲社交场合，佢叫咗我好耐，但系我就一路都唔想去，可能有一次某种情况激嬲咗我，我就一鼓作气就去，死就死喇，于是乎啲人就开始报道。」他续说：「当然无疾而终系压力太大，站喺我立场，叫做年青嘅时候，每个人都想寻求轰轰烈烈嘅爱情，结果真系轰烈。」
恋情告吹后，甄志强淡出香港娱乐圈，转战到上海发展，直到近年才回流返港，他坦言除了做义工，探访下老人院又或者独居老人，至于拍剧，甄志强坦言有想过继续再拍戏，「但系睇机遇啦，叫我去𢲷捞我又做唔出，当然如果朋友叫到会帮手，好似上次培哥（导演何澍培）叫我帮手拍《PTU机动部队》，我唔会话畀人听而家要退出娱乐圈，退出唔再拍剧，睇情况喇，又唔系强迫性要自己做啲咩！」
【其他文章】：
【亚视永恒】难忘拍剧断手打住石膏补戏 甄志强仍有戏瘾望再拍亚视剧
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应