林作获七师傅指点要每日叩拜3千次忏悔 见裕美气息直指：没有色
2023-10-15 17:25 
薛家燕、七仙羽（七师傅）及裕美等到深水埗出席「送炭到泰北」活动，七师傅到场后即送上来年运程书给裕美，并指「林作运程喺入面」。七师傅笑言送书给林作是因为知道对方家中的书已看完，所以送本新书给他，又表示自己为了今次活动，要特别扑书作义卖。
【相关阅读】：JPEX案丨林作北上大鱼大肉心情靓捱轰 107岁外婆撞样韩红引讨论
【点击睇七师傅指点林作】：
七师傅希望林作能平安，但透露对方下年运势仍未能回复：「唔会咁快好，要一步一步嚟，佢又唔收口又唔念经，每日要忏悔同埋需要做108次大礼拜，即系要叩头，得罪个咩人佢都要每日叩头忏悔，要有恒心。」
七师傅撮合裕美林母
七师傅又畀贴士林作，指他可每日忏悔之馀兼叩拜，这样可快一点：「6个月每日最少叩3000次，（都要半年？）佢罪孽多，叩6个月就OK。啲人成日都话我唔畀指引佢，而家我俾，每日要你3000次大礼拜，林作你做唔做到？」问到林作是否需要戒色，七师傅就笑指林作没有色，之后更望着裕美说：「睇佢气场就知佢冇做乜嘢，一睇就知长期冇！」而裕美则笑住承认，并指：「你同林作一齐都会长期冇！」
七师傅又指林作继续走这条路会变成和尚，而她也指林作日后适合做神父，因为他讲得、吹得，对宗教也有认知，更笑言以后还有机会藉此再做保险。七师傅又笑言林作妈妈很喜欢自己，因为贪她有钱，不过林作就喜欢裕美，虽然林妈妈最初与裕美的关系不好，但经过她大力撮合后亦成功，现时两人的关系亦不错。
裕美指林作休息叉电
裕美今日单拖到深水埗出席活动，问到为何男友林作没有陪她，她笑言现时已每日要送炭给对方：「佢之前成日都好忙，忙到唔得闲同我讲嘢，而家佢好烦，成日问几时有时间理佢。」裕美指今次事件对林作来说是好事，因为可让对方休息叉电，又指林作一向坚强，情绪没问题，现时在家中不停看书和思考人生，唯有自己先努力工作。
提到林作出事后，裕美不离不弃被网民大赞是「满分女友」，裕美说：「多谢，我都唔知讲咩，我冇咩做，只系佢有事嘅时候尽力帮佢，坦白讲我自己都觉得佢系一个受害者，所以我先会咁努力帮佢，我知道佢个人系点，虽然佢系卖口臭，但我净系觉得佢成日都系得把口，佢喺我面前都系咁。（会结婚冲喜？）我冇呢个打算，佢都冇提，我都结过，冇呢个憧憬，同埋佢妈咪都冇特别讲，呢啲嘢系后话，有咁多嘢发生已经够忙。」
裕美无向生父提JPEX事件
早前找回生父的裕美指现时每日也会跟父亲联络，不过对方也不知林作在香港发生什么事，自己也没有提起，而她指父亲看到林作照片后大赞「几靓仔」：「我问佢系咪年纪大开始老花，佢话冇，亦有话佢个样系聪明人。我成日都觉得一个聪明人谂嘢好唔平凡，有想对抗世俗谂法，成日会搞好多嘢出嚟，但阻止唔到佢，性格系咁就系咁，除非佢经历咗啲特别嘅嘢令佢改变。（经历今次事件之后有冇改变？）佢话等冇事嘅时候会更加疯癫，佢好相信佢会冇事，因为佢知道佢唔系做紧一啲唔好嘅嘢，佢口臭，但佢冇谂住害人。」
对于日前有JEPX苦主表示因林作而投资过百万，裕美指林作得知后也感到愕然，因他没有见过这个人，不过她指林作看完报道后就算，问到现时与男友出街是否会怕俾人指点？裕美说：「冇喎，真系冇，其实第一次保险佢俾人炒嗰阵，我已经惊佢出街俾人打，又冇，今次呢件事又冇，所以我觉得香港治安好好。」当记者大赞她够坚强时，裕美指自己以往也经历不少风波及流言蜚语，网上对她的攻击也不少：「从来冇经历过嘅人可能会顶唔住， 但我有，我会明白佢，虽然佢嘅事系俾我嗰啲大好多，但我觉得都可以过得到，人生就系咁。」
【其他文章】：
JPEX案丨林作记者会罕有十问九唔答 证中环办公室已结业称近日「瞓得好」
裕美不忿林作出事被网民疯狂耻笑「抵死」 撑男友善良低调帮基层学童补习
裕美亲回男友林作被捕！称随时Stand by不担心 拒认最佳女友：帮到手就帮
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应