独家丨七师傅为林作念往生咒除业障同Ben Sir主持《东呃西骗》分享防骗心得

2023-10-10 07:00

2023年上半年香港嘅诈骗案超过18000宗，HOY TV 77台打铁趁热，本周开始播映由七仙羽（七师傅）与欧阳伟豪（Ben Sir）主持，论尽不同行骗手法的新节目《东呃西骗》，集集提供防骗心得，耳仔软的读者要留意。其中一集「投资骗案」主题跟热爆的JPEX案相似。对于林作卷入JPEX案被捕，七师傅怜惜对方系人才，日日为他念往生咒并笑住解说：「往生咒唔限超度亡灵，亦可以帮佢消除业障。」此语一出，Ben Sir展露尴尬又不失礼貌的笑容打圆场，「所有宗教都系导人向善。」采访：方骞平摄影：邓国良

七师傅即场为林作念往生咒，睇吓Ben Sir笑得几尴尬。

Ben7组合好有火花。

Ben Sir急急打圆场话宗教导人向善。

多才多艺嘅七师傅话仲有好多追求者，包括骗子。

七师傅突然「DJ」上身，着记者「点唱」，对住镜头向林作念往生咒。

七师傅笑言日日为他林作念往生咒。

Ben Sir「投诉」接《东呃西骗》呢个Job有被骗成份。

Ben Sir获七师傅大赞系正人君子。

逢周一至五晚8点半播出的《东呃西骗》共15集，短剧内容均来自真人真事。包括网恋、电话骗案、投资、裸聊、网购、祈福、求职、人生改造与KK园等作主题，大包围讲述骗徒以不同手法令受害人跌落陷阱。昔日「东张女神」林希灵、林泳淘等饰演追击主持，黎彼德、梁茵、肥肠等扮演骗徒或受害人。

陈嘉倩系防骗记者会发言人，每集讲骗案资讯令观众提高警觉。

昔日「东张女神」林希灵做返老本行，变身《东呃西骗》追击主持。

节目中梁茵向追击主持林泳淘报料，因为她妈妈被「假和尚」Ben Sir呃钱。

徐颖堃演呃钱党。

刘健威扮电话骗徒，打去搵Ben Sir老板借钱。

徐浩昌(肥肠)及黄侥霖参与人生改造课程堕入传销陷阱。

赞Ben Sir正人君子
节目由筹备到制作耗时一年，至播映前两周仍要补戏。Ben Sir「投诉」接Job后好有《东呃西骗》精神：「其实我同七师傅都系被骗苦主，由最初被邀做主持引我哋入局，到后来要求演埋
戏，仲愈演愈多，投放咗青春及感情，就好似JPEX苦主咁加码投资后出唔到金。不过，『Ben7』梦幻组合好有火花。」

七师傅和Ben Sir担任HOY TV 77台新节目《东呃西骗》主持。

七师傅唔止做主持仲要演埋骗子。

Ben Sir同样做主持，兼演埋「猜猜我是谁」骗案。

谈到节目中有祼聊骗案，Ben Sir强调唔会发生喺自己身上：「我都咁嘅年纪啦，生活多姿多采，唔使加添呢啲元素，而且形象好重要，对facebook、WhatsApp弹出嚟嘅靓女相一概零兴趣，连陌生电话都唔会接。」七师傅力证Ben Sir系正人君子，唔咸湿，更爆料说：「佢系Best of the best！呢几个月我哋背对背瞓地下休息，仲瞓得都几埋，但佢一心不乱。」问Ben Sir冇反应，系咪七师傅并非佢杯茶？他解释：「一个人有好多种欲望，食色性也，唔系要大家压抑色欲，系要寻求适当欢愉，可以同女朋友、老婆商量一下，或者睇吓图书及用2D视觉满足住先。」七师傅认为天下男人，喺大头相挂墙前(离世)都好色：「𠵱家都有好多人追我，当中有骗子，就算放张狗相喺社交网都赞我有迷人眼神，樱桃小嘴…」另外，将「师傅爱你」挂口边的七师傅欢迎骗子埋身：「我唔使防骗，直接畀钱佢哋，烧过亿元…我要普渡众生，助人为快乐之本，要导化佢哋向善，呢啲钱佢哋迟早有用。」Ben Sir认为防骗心得好简单，要有常识，最重要系贪得理性及做好风险管理。

七师傅及Ben Sir好搞笑。

Ben Sir系正经人家，最爱行山做运动。

Ben Sir家庭生活美满。

有老公嘅七师傅自爆𠵱家仲有好多男人追求，当中有骗子。

化身DJ著记者点「唱」

在探班期间，每日都要修行嘅七师傅突然「DJ」上身，着《星岛头条》记者「点唱」，对住镜头向官非缠身嘅林作说：「林作：我𠵱家念往生咒畀你，因为有个西方极乐世界十分美好，我希望人人都快乐！」七师傅强调对六道众生都好，何况系人，仲要系剑桥毕业嘅高材生：「我都系出身自名校，明白到佢读咁多书好辛苦，佢系人才都想佢可以消除业障。」七师傅跟作妈王莉妮系老友，她自爆说：「3年前作妈唔想裕美入门，想个仔娶我，因为我比佢哋有钱，而且学历比裕美高，但林作死都唔肯，我反而喺《七救星》节目中「作法」，帮手缓和裕美同作妈嘅僵硬关系，𠵱家佢哋关系得到改善，裕美同作妈仲日日有偈倾呀。」