独家丨40岁王嘉明被嘲一身肥肉：肥唔唱得歌? 「光头仔」变单亲爸爸挑战《中年2》

「光头仔」王嘉明在84年经典港产片《最佳拍档之女皇密令》中跟麦嘉拍住上，当年的可爱童星话咁快40岁，阔别乐坛20年的他为延续歌星梦，决心挑战《中年好声音2》，唔介意被取笑肥肿难分。另外，回顾昔日童星生涯，他自爆当年拍咗3套戏已赚到几十万，80年代非常厉害，加上得到陈百强、张国荣及徐小凤等巨星爱锡，童年已大丰收。采访：方骞平

王嘉明经历过流离浪荡嘅歌手生涯，学会调整心理质素。

当日「光头仔」形象，令王嘉明深入民心。

40岁的王嘉明仍然有歌星梦。

赛前跟编曲及音乐监制方树梁恶补。

努力练吓歌做好准备先。

王嘉明在《中年2》海选中演绎张学友的《爱是永恒》，成功晋身100强。他在内地开直播唱歌时，被网民追问点解肥咗咁多？他秒回：「食咗20年饭，唔肥咪嘥咗？」对于网民将他跟小时候的「光头仔」比较，他啼笑皆非：「其实『光头仔』都系我嚟，锺意佢，唔锺意𠵱家嘅我唔紧要，听吓我唱歌先。」从商多年，两子单亲爸爸王嘉明零包袱，勇敢反击：「唔一定要减肥先可以唱歌呀？唔系个个歌手都瘦到一碌竹啫，又唔系核突到令观众要转台，我冇谂过要做偶像，只系想唱出我嘅故事，希望得到共鸣。」

仲有团火嘅王嘉明，挑战《中年2》圆歌手梦。

为配合演麦嘉儿子，王嘉明多次剃头做「光头仔」，好彩长大后头发好浓密。

40岁王嘉明系单亲爸爸爸。

唱片部倒闭好难受

40岁的王嘉明仍然有歌星梦，他为了唱歌，未够18岁已卖身黄百鸣旗下的东方影业，由演员做起，至2002年公司成立唱片部，并为他推出EP《公告天下》，宣传期未完，唱片部因蚀钱摺埋。当年他感到好委屈难以接受：「见同期歌手麦浚龙、余文乐、Cookies个个趁年底『劈』奖（即争奖），明明自己势头好变乜都冇，我嬲到将Band房啲乐器捐晒出去，唔再玩音乐，仲同歌唱老师陈洁灵诉苦，老师鼓励我先转做其他嘢赚钱，『到时仲有团火，返嚟唱歌冇人会阻到你！』呢句话我记到𠵱家。」

虽然曾跟黄百鸣有合约纠纷，王嘉明称已雨过天青。

王嘉明于2002年出过《公告天下》EP，收录热播歌《分手》。

王嘉明歌手生涯唔够一年，宣传期未完，公司唱片部已摺埋。

2002年乐坛涌现大量新人，同期有Cookies、陈冠希。

童星生涯有血有泪

王嘉明回顾做童星日子有血有泪，3岁时喺4楼「吊威吔」拍跳楼戏，虽然跌落去一刻系用公仔(远镜)及由柯受良7岁儿子做替身，但他仍吓到喊足一日，完全唔enjoy；直至拍到第3套戏，因为在片场吸得太多混浊空气，搞到肺炎要停拍，埋单计数连分红都赚咗几十万，「虽然冇乜读过幼稚园，但『光头仔』好受欢迎俾红星围住玩，片场留有唔少难忘回忆，如张学友带过我睇佢演唱会；陈百强送紫色衫及最爱嘅加菲猫公仔畀我；我又去探过哥哥班，睇佢拍《英雄本色》；甚至喺新西兰拍《千里救差婆》见个靓景。」

3岁王嘉明拍《最佳拍档之千里救差婆》跳楼戏。

「光头仔」王嘉明在84年经典港产片《最佳拍档之女皇密令》中跟麦嘉拍住上。

「光头仔」王嘉明好可爱。

王嘉明细细个已识演戏。

小凤姐都好锡小嘉明。

当年陈百强好锡王嘉明。

被丹尼仔揽到实。

陈百强送「光头仔」唔少礼物，包括加菲猫手偶公仔。

王嘉明细细个就锺意哥哥，仲会去探班。

当长大后重返影坛，王嘉明唔再被全世界围住嚟转，所以想唱歌做台上主角，他又爆当年麦浚龙在台上掟肖像公仔时，余文乐对台下fans说：「快啲执，钱嚟㗎！」作为生意人的王嘉明深明此乃市场推广策略，更笑说：「经历3年疫情，大家知道柴米油盐嘅重要性，𠵱家要拉票嘅话，我一定会掟粟米油及掟包米落台，相信一定会有人抢，掟唱片落台唔会有人吼。」

麦浚龙是当年最有财力新人，每次活动都有钱请舞蹈员伴舞。

当年王嘉明跟余文乐及Cookies成员Miki并肩作战。

余文乐及麦浚龙当年系同门。

年轻时王嘉明有啲性格。

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ