独家丨何广沛劲嬲网民作故仔：你哋知啲咩啫　忍无可忍「上水」回应食人妻抹黑留言

何广沛在剧集《你好，我的大夫》演中医，由唔睇中医到拍摄后完全改观。讲到被爆跟女公关Sarah Miu（苗承诺）拍拖后，曾多度「上水」回应贱嘴网民，闹他食软饭系渣男，又放料抹黑朱晨丽，广沛自爆已被网民狙击大半年，认为有人居心不良，破坏他辛苦建立10年的正面形象，忍无可忍才以真身留言嘲笑，「我唔出声你就系咁讲！」坦认跟新欢有结婚打算的他提到「旧爱」朱晨丽两个态度，强硬地划清界线。采访：杜杜 摄影：朱伟彦 场地:Velo Italian Bar & Grill

广沛入行10年首次亲身「上水」回应负评，也好奇为何成为网民狙击对象。

在《大夫》演中医博士「辜清劲」的广沛，以往较少接触中医，亦对针灸有恐惧，「拍完呢套剧改观咗，剧集带出嘅信息，就系希望大家重新认识中医。」最近他扭伤颈，都有搵剧集的顾问中医帮手，「𠵱家够胆嘞！呢个月都有做针灸，仲人生第1次拔罐𠻹！」入行10年才跟蔡思贝合作，广沛形容感觉非常之好，「始终佢好有经验，当然唔系讲佢老，佢系拍得密亦都拍得多，同佢开工就唔需要担心太多嘢，大家都系『fit马』。」两人合演感情戏更加得心应手，「去到现场就做，唔使就住就住去到好尽。」

广沛演过中医后，𠵱家连针灸都唔怕。

广沛大晒后颈上，人生首次拔罐的战绩。

广沛自夸跟蔡思贝同为「fit马」，合作特别顺利。

言论自由唔代表任意抹黑

广沛大方认恋女公关Sarah后惨被网民围攻，他称女友是圈外人较难承受这类压力，「每个人嘅接受能力都唔一样，呢个可能要靠我去开解或者去纾缓，顺其自然，只不过系1次性报导，唔会系持续性或者困扰性嘅影响，相信佢过一排会冇事，会越嚟越习惯。」

广沛跟女友Sarah拍拖大半年，已朝结婚方向发展。

讲到网上的抹黑留言，广沛原来早在大半年前已获粉丝报料，初时还觉得几有趣，「佢哋柯南上身有啲真有啲假，真嘅咪讲罗，都post咗只狗出嚟，但我唔需要同佢哋交待，佢哋冇得fact check，事实得我先知。」后来他决定「上水」回应，因情况越来越失控，「不厌其烦散播啲谣言或者佢哋认为啱嘅嘢，作咗好多故仔，我咪用啲好幽默嘅方法，『你哋不如去TVB考编剧做编剧啦，你哋咁有创意』，佢哋喺每个相关新闻下面都留一样嘅抹黑留言，讲1次OK，但喺度带风向就唔系咁好。」他越讲越滚，认为这批网民另有目的，「每个人有言论自由，但系唔需要带风向系咁去唱，影响人哋嘅思想，煽风点火，居心唔系咁好，点解要逼人相信你嗰套呢！？」

女友Sarah被起底已离婚，广沛表示一早知情。

广沛以嘲笑口吻回应负评，句句有骨。

广沛称抹黑的内容相当广泛，但又完全冇证据支持，「话我食软饭、一脚踏两船、食人妻啦！又喺网上起底式搵好多timeline相，真系得啖笑，啲相真系唔关我事，话系我只手又话系我只表，你哋知啲咩啫，我唔出声你就系咁讲！」网民更屈他向传媒放料抺黑朱晨丽，「呢单你帮我澄清嘞！话我私底下报料畀传媒做新闻，我其中1个回应都话『你边度有证据证明我放料畀传媒呢』，过去10年传媒都知我作风低调，专注工作，我做咩要无端端放料畀传媒呢？！你哋认识嘅何广沛都唔系咁嘅人！」

广沛直言post得跟女友狗狗合照，预了被外界知。

同朱晨丽咁多年都系同事

广沛最㷫有人企图破坏他的正面形象，「佢哋立心不良到一个点，见香港嘅传媒冇报导，话要发去等佢哋报导，想破坏我呢10年嚟默默建立嘅形象，描述到我系佢哋认为嗰种食软饭、渣男，喺内地有个词叫「海王」（即同时跟多人搞暧昧），将呢啲标签摆落我度。」幸好他得到不少心水清的网民支持，「唔系熟识嘅fans，未见过嘅，喺我回应下面支持我。」他又自问在圈中一直待人不薄，不明为何突然成为箭靶，「同我合作完都知我从来冇害人嘅心，无私奉献我知道或者我识嘅嘢，陈晓华或者郭柏妍喺访问都有赞过我，唔存在我系个差嘅人罗，明嘅人就继续明，唔明嘅人由得佢继续唔明，唔会多讲，会用行动去话畀你听，我系个点嘅人。」

广沛自问人品不差，否则拍档郭柏妍也不会公开赞他。

对于有指去年跟朱晨丽分手后，再见不是朋友，问到广沛现在跟女方关系？他即划清界线，「同事罗！咁多年都系同事。」有指朱晨丽粉丝有份留言狙击他，他就认为不会影响两人关系，「网民有佢哋自己世界，唔影响同事之间。」曾表示已35岁是时候谂结婚，他即甜笑回应：「以前就冇乜点谂，𠵱家就一步步向前行罗，你问我咪公开罗，你唔问我咪继续工作，我都唔知几时有答案。」

广沛跟朱晨丽虽然没承认过恋情，但早被认定是一对。

 

《星岛头条》新网站有更多精彩内容：http://www.stheadline.com/