头条戏场 丨《大伪术师》越烂嘅牌就越要畀心机打

电影由德国演员Louis Hofmann 做男主角，睇过电影《十个拆弹的少年》同Netflix科幻惊悚「烧脑神剧」《暗》，对佢极有印象，靓仔仲要识做戏，已经要加佢几千分，加上一向沉迷二战电影，有Fans滤镜所以觉得呢套戏几好睇。电影根据二战传奇护照伪造师Samson Cioma Schönhaus的事迹改编，冇Non Stop枪林弹雨，可歌可泣的生离死别镜头亦欠奉，主要睇靓仔Cioma如何自信满满地伪造护照，暗中协助超过300名犹太同胞，避过纳粹党视线逃离柏林！(上映中) 撰文:廖思慧

Louis Hofmann饰演 Cioma，撑起全片，我觉得睇佢就够。

Cioma好自信，但佢一开始伪造能力唔强。

我觉得Louis Hofmann好正，但德国金像导演MAGGIE PEREN唔系咁睇，第一次试镜后觉得对方正投入拍摄《暗》，所以又Dark又忧郁，因为同戏中角色的气质完全唔似而唔想用佢，直到第二次试镜先彻底改观，至第三次才认定Louis 是主角人选，好彩咋。

机智又勇敢
Cioma自细从白俄罗斯移民到柏林，因为拥有极高艺术天份被送到艺术学校就读。后来纳粹党侵略周边欧洲国家，直接引发第二次世界大战，更开始屠杀犹太人，Cioma被逼放弃学业更要投入制造武器换取粮票，之后更有机会凭住一双巧手同艺术天赋，加入地下组织帮犹太人伪造护照逃亡。父母朋友全部被捉去集中营，乱世中死唔去，条命都叫做生得好，加上胆大心细成日笑，够姜冒充纳粹海军入夜场又食又饮仲要媾埋女，又识得趁被抄家前变卖家具赚返啲零用钱，佢系成功做到越烂嘅牌就越要畀心机打，仲要打得几好。

Cioma同老友Det齐扮纳粹海军，系咪靓仔先?

Cioma的邻居Frau Peters（Nina Gummich），人性极丑恶。

冒充纳粹海军的Cioma识到索女Gerda（Luna Wedler饰)。

Gerda非省油灯，一早识穿Cioma，但为粮票甘愿一齐。

电影冇一般二战电影咁沉重，但压迫感仍然好强，Cioma亲眼见老友Det Kassriel（Jonathan Berlin饰)被捉直入集中营，道别都无机会讲只能下世见。从Cioma的日常生活，完全睇到一个犹太人在纳粹极权下嘅生活有几咁水深火热，要逆境求存只能靠自己。

Cioma未伪造证件前负责整军备

Cioma伪造护照，协助超过300名犹太同胞逃离柏林。

最后帮埋自己成功逃离

港版海报

德国版海报,靓仔到呢

《星岛头条》新网站有更多精彩内容：http://www.stheadline.com/