「御用小人物」罗青浩罕现人前 市侩佬变胡须大叔 曾误传死讯得啖笑
2023-09-25 14:30 
有「御用小人物」之称的罗青浩，在80年代已经活跃影视圈，演出不少经典剧集，最为人记得，除了在拍《城市故事》中饰演市侩佬郭通天（Victor）外，还有在《流氓大亨》饰演万梓良的弟弟方学斌。直至1990年，罗青浩拍完亚视剧集《海瑞斗严嵩》后，淡出了幕前，久未公开露面的他在2018年一度误传出死讯，原来他已经移居泰国生活，日前接受杨绍鸿的YouTube节目访问，久违的的罗青浩比当年发福了少许，脸上留有胡须，感觉稳重了不少。
【相关文章】：资深艺人湘漪女儿尽得真传曾踏足娱圈 贴80年代女星合照掀集体回忆
【点击睇罗青浩近况】：
入行多年的罗青浩向来非常低调，当时连淡出娱乐圈亦未有人留意，直到2018年重播《流氓大亨》，他的近况惹起网民关注，想不到竟然误传死讯，吴启华曾代友澄清：「有朋友跟他保持连络，我知道他不是你们讲的那样，我知道他生活得不错。」访问上重提当日误传死讯，罗清浩说︰「嗰时我仲喺香港，忽然之间收到朋友电话，话有记者搵我，我仲无啦啦搵我做咩？我离开电视圈都有10几年，点知朋友话『有人话你死咗喎』，我就话『吓！系呀？阿弥陀佛』，后来启华有帮手，有记者搵佢问我嘅近况，佢有讲我近况，唔系去嗰个level，我就话可以留个电话畀我搵记者啦，但佢就冇咗件事，不了了之，其实都冇咩影响嘅，呢行基本上都好多误传，我又觉得冇咩嘢，误会啫！」
因为电视台换老板而退出娱乐圈
谈到当年退出电视圈原因，罗青浩坦言因为电视台换咗老板：「最初我入去ATV时系林百欣年代，跟住公司换咗老板，好多人事变动，公司话唔签咪唔签罗，我应该系2000年离开，最后一出剧系《海瑞斗严嵩》，去上海同无锡拍。」回复自由身后，罗青浩未有再签其他公司：「我份人好得意，我觉得人生有好多可能性，唔一定做一份工做到走为止，我好细个就出嚟做嘢，出版社、纸盒厂，每份职业到某个阶段，就会谂系咪时候转一转？你话我念唔念旧都好，我系锺意新嘅事情，啱啱有个老友做速递，叫我入佢公司帮手，缘分到咪去试吓！」
自认孤儿仔工作不靠人事
罗青浩续说：「有冇留恋电视圈？唔到我留恋，佢又唔签，求佢又未必求得到。而且我又好怕靠人事，一来我好似孤儿仔咁，我系参加比赛而入行，唔同训练班出嚟，佢哋有师兄、导师提点又可以去问，好多嘢都有前辈畀意见。我系参加比赛赢咗而走入电视台，人又唔识，部门又唔清楚，派到有通告就返去开工，初期咪做啲闲散角色，自己尽量勤力啲读熟剧本，希望有啲表现。」罗青浩更说：「我个人又冇乜大志，唔会同人争，况且争得到未必好，随遇而安，唔需要框住自己喺度搏命做，好多时唔系你希望嘅嘢就一定实现到。」至于会否复出拍剧？罗青浩说：「真系冇谂将来想做咩，睇吓自己条件符唔符合，符合到就做，符合唔到又唔会勉强。」
【其他文章】：
资深艺人邓汝超同梁朝伟系训练班同学 由艺人变成音响工程师最紧要开心
81岁卢海鹏庆生老友齐集 73岁黄淑仪圆润精神饱满黄允财愈老愈英气
程可为豪宅宴请宾客多位经典绿叶现身 大厅超阔落爱到富豪饭堂被指隐形富婆
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应