专栏｜爱华顿成绩与戴治进化密不可分

爱华顿开局认真平平，同上季一样继续在下游中争扎，一众球迷们会谂戴治足球已经系过时嘅产物，应该要被潮流淘汰，但戴治真系冇货卖定其实暗藏玄机？

笔者与球迷们一样，以前一讲起戴治，都系飞沙劈石，全部人缩喺禁区入面，有危险就解围先，全部都系长传，斩入禁区搏混乱，个波永远喺天空上面飞。不过其实戴治上任爱华顿之后都有唔少变化，防守方面，逼抢真系最大嘅特色，每场波都会因对手实力不同而加入压逼，唔单只等人地过左中场线先逼，更加会到敌方禁区尝试争抢，特别是中场伊祖沙古尔喺前面失波的话，更加会带动三线向前，一定会如狼似虎咁逼返个波返嚟，因为佢系防守枢钮。

进攻方面，尽管传中同死球仍然系戴治嘅拿手绝活，不过今季签入几位球员如比图比东卡、丹祖马等人，都有一定自己持球突破能力，经常会靠个人能力压到心脏地带射门，同时由以往顺足变成逆足翼锋，将两翼cut in，然后射波机会大增，出波嘅任务就交俾两闸。今季仅有两个入波只能话系脚头无灵，其实球队今季总共创造了10个黄金机会，与纽卡素并列第8，显示出战术不是拖肥最大嘅问题，卡维特利云长期缺阵，加上入球运欠佳，才是爱华顿在下游周旋嘅最大关键。

笔者觉得爱华顿与戴治其实是天作之合。一间坐落于利物浦，工业城市嘅球会，亦于英超成立以来从未试过降班，有丰厚嘅历史。而戴治则是由以往英伦风慢慢融入现代足球，亦创造过般尼神奇之旅与上季助拖肥成功护级等不少英雄事迹，希望今季戴治可以带领爱华顿尽早逃出护级旋涡，唔使打到最后一轮。Willhappy

-----

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ