专访丨72岁刘永罕谈三段婚姻叹「直播媾女」辜负黎燕珊 与现任嫩妻未离婚70岁做凑仔公
2023-09-21 10:00 
每当在网上搜寻「刘永」这个名字时，除了弹出早前的「买楼惨堕骗案」报道外，其馀相关字句几乎离不开「黎燕珊」、「家暴男」、「刘永前妻」、「嫩妻」等等字眼。事实上，刘永曾经是70年代邵氏当红小生，李小龙的嫡系弟子， 演艺事业上有过不少经典佳作；爱情上，刘永有过三段婚姻，但都先后分手收场。72岁的刘永接受《星岛头条》访问，罕有谈及过去3段婚姻，包括与首任妻子戴良纯的关系、与第二任妻子黎燕珊离婚原因，并透露原来他与第三任内地妻子黄丽燕仍未离婚。
【相关阅读】：72岁「秦始皇」刘永三度离婚 前妻黎燕珊称如恶梦一场 临老遭嫩妻分身家
【点击睇刘永昔日年轻照片】：
72岁的刘永因为一宗楼宇卖买而险失6万人民币订金，一度成为全城热话，连带他过往的相关情史，亦统统被翻出来。刘永受访时提到他曾经历3段婚姻，当年有指他因其性格火爆，最终都离婚收场。多次被形容「家暴男」的刘永，听到外界对自己的形容，他淡淡地说：「而家老咗先讲，黎燕珊都知道，我系真系唔会打女人，家暴都冇，我又唔饮酒，点会家暴？我同黎燕珊离婚，完全系因为媾女，我都唔知开咗个电话，畀佢成个钟头听到我喺度媾女，系衰嘅，一个咁嘅老婆，真系衰。」他续说：「我哋年年都有见面，问候下，唔会系仇人，同啲仔女过年咪见下。」
大侠变成慈父新学习做爸爸
刘永在2007年与比他年轻30岁的内地女子黄丽燕结婚，婚后育有2名儿子，可惜因两人年龄差距较大，婚后不久便出现代沟，最终在2019年分开，一对儿子由刘永抚养，刘永亦由大侠变成慈父，重新学习如何做一个爸爸。「我70年都未凑过仔，未入过厨房，而家，我识煮饭、煲汤，边个话净系得女人识煮？我都识，缝针缝线我叻过你，唔识咪学！」最初两个儿子在学习上有点不适应，刘永随即变身为「伴读书僮」，他笑说：「我唔陪佢哋唔会温，原来做妈咪系唔容易，我越嚟越觉得佢哋个妈咪好辛苦，我以前只系会谂自己拍嘢有几辛苦，但原来喺屋企嘅都唔简单，而家唔系我嚟边个嚟？有乜嘢唔得？得得得，只要分配好啲时间，我得闲会陪佢哋温书，喺学校温完，放暑假每日会温5个钟书，朝早三个钟，瞓觉之前两个钟，真系追得好辛苦，仲惨过我读书。」
【点击睇刘永专访照片】：
问到与第三任太太的关系，刘永说：「分开嘅时候梗系唔系几开心，但我经过做佢嗰份之后，喺呢几年里面我睇开，我觉得唔应该唔俾啲仔见妈咪，唔系仇人，冇所谓，佢舒服就得，我都70几岁仲谂乜嘢？我哋冇离婚，星期六、日畀佢哋见吓面，唔会系冇妈妈，只系我哋两个大人唔可以一齐生活。佢得30几40岁，我都70几岁，我哋嘅谂法又唔一样，缘份尽咗咪算罗。而家我对女人都冇所谓，最主要系传承到电影功夫，将我所识嘅嘢，教到俾啲徒弟传承落去。」虽然刘永已经年过70，不过依然充满大侠风范，但他多次强调自己不再谂女人：「冇谂呢啲嘢，我而家最锡系两个仔，边度仲有嗰啲心情去谂？真系冇谂。唔系碰钉碰得多，我有乜嘢女人未见过？乜嘢靓嘅女人都见过，而家不如去食吓好嘢，开心咪睇吓电视睇吓戏，运动下游吓水，咁又一日，有时同啲死党老友打吓麻雀咪算，冇咗嗰种心情。」
不抗拒儿子毕业后入行
每当提到两个儿子，刘永的脸上露出罕见的笑容，父子间亦未见有代沟：「我同女人都倾到偈，仔？why not？代沟？唔会喎，我哋好friend喎，佢哋敎好我好多嘢，我大仔高过我少少，16岁，好有型，系『小刘永』，不过好贪靓，细仔12岁。」他还说不介意儿子入行做艺人：「佢拍过几套戏，好识做戏，但系我而家唔畀佢谂，一定要读好啲先，读完书先再谂，做乜都唔紧要，我喺江湖上咁耐，识咁多人，锺意做乜咪做乜，而家系专心读书，要用嗰阵就知辛苦。」
回望过去，刘永坦言每段感情分开的时候，一定不开心，他有感而发地说：「第一个好似博命，乜都唔谂，嗰阵太细，冇谂嘢，嗰阵谂住掟啲刀叉兜口兜面整花咗你，冇人要你，只有老公爱你，咪返嚟我度，点知原来仲衰，真系唔识谂， 之后同阿珊一齐，佢系一个好女人，点知『好咗伤疤唔知痛』，咁好嘅老婆唔识珍惜。老咗到而家嗰个，初初谂住系一齐到老，仲生咗两个仔，系佢要走，不过唔紧要，反正我都谂住退休，咪专心凑仔。」他更不否认目前经历的一切，全是「因果」，他说：「真系，喺感情方面，我成日都同自己讲，衰仔，玩得多，亦成日都话自己，有几耐风流就有几耐折堕，总之我而家剩系谂同啲仔去边度玩，7字头开心咪得，摆晒精神喺两个仔度，仲搞咁多仲乜？」
【其他文章】：
72岁「秦始皇」刘永广州买复式新楼遇骗案 失6万人民币：连老人家血汗钱都呃
黎燕珊29岁前空姐囡囡似妈妈全盛时期 同家暴前科老公离婚捱大两个子女苦尽甘来
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应