尖沙咀印尼食店老板辱骂食客：「搵你80几蚊惨过做鸡！」 仲有更进击回应｜Juicy叮

尖沙咀一间印尼食店的老板，因负评与食客爆发骂战，该食店老板回应相当进击：「我接到你依个『客人』算唔算中伏？」「请你唔好再黎啦，搵你80几蚊惨过做鸡。」

事件在网上引发热议，有网民表示：「唔怪得无人（喺）香港消费。」

涉事的印尼食店位于弥敦道一栋大厦的3楼，其前身为一间屹立佐敦40年的怀旧印尼餐厅，老店于2016年结业，其后由第二代接手再于现址复开，现时两位老板均为港人。

第一场骂战：贴钱买难受？

有食客在网上对该食店留负评，分享今年4月一次光顾的感受指「贴钱买难受」。

该食客批评食物「系得个甜字」，店员「态度劲串」，要点如下：↓↓↓↓

涉事的印尼食店位于弥敦道一栋大厦的3楼，其前身为一间屹立佐敦40年的怀旧印尼餐厅，老店于2016年结业，其后由第二代接手再于现址复开。（google地图截图）

有食客在网上对该食店留负评，分享今年4月一次光顾的感受指「贴钱买难受」。

该食客批评叫的大部分菜式「系得个甜字」。

他特别指其中一碟萨摩汁牛肉，「成兜野甜到食唔落」，而且「仲要系用肥牛片。」

「炒饭有镬焦粒，鸡丝有D硬，又系甜味。炒四季豆有D生，D参巴医又系甜。」

除食品质素外，该食客又批评店内职员态度。

「收银阿姐态度劲串，只系问佢我哋落咗几多样餸，佢就好恶咁掟返畀我哋睇张纸，话你自己睇返叫咗几多！」

「侍应个个好急好忙咁，问佢边到有水，只系讲前面转左，佢个斟水位又被挡住，最后都系冇斟情愿出去买！」

 

店主其后以长文亲回，说话相当进击，包括「惨过做鸡」论，要点如下：↓↓↓↓

店主其后以长文亲回，说话相当进击。

店主心水清，记得该食客当晚4个人，埋单$329，「人均消费刚好82蚊左右。」

店主：「这个消费额在晚市的尖沙咀区，相信除了M记外都不能做到。」

至于被指食物「甜到食唔落」。

店主回应：「既然你话「甜到食唔落」，点解你地会食到连汁都一滴不留？(精神错乱？)」

「黑豉油当然是甜的啦，难道会有酸的黑豉油？」

对于那碟「萨摩汁牛肉」被指用肥牛片，店主回应：「唔知道你们是否没有去街市买菜的经验？请你们调查一下肥牛的每磅成本是多少？肥牛又是否为低下的肉种？」

对于店员态度差的指控，店主回应继续进击。

店主回应：「餐厅忙，侍应梗系忙，忙起上黎答嘢当然会急D。」

「不过我同你强调一点，就系我地餐厅无收你加一服务费。」

「如果你想要比较好的服务，就建议你去五星酒店。」

「佢地服务都非常好，就算你再无理取闹，佢地都会笑住望住你。(只不过可能会在心里咒骂你)」

对于食客指未能取水，店主仍然心水清。

店主：「虽然你（指食客）声称唔知水起边，但系该晚你地又好成功咁去攞水去洗餐具。」

最后店主表示：「请你唔好再黎啦，搵你80几蚊惨过做鸡。」

该食客其后再回应：「一间连顾客反映真实声音的店铺，难怪出品品质同店主同出一辙。」

店主继续进击：「点都叻过你，我地做一件事可以专注做几十年。 而你只能匿名连样都唔敢露岀，起度扭曲事实胡言乱语。 我地打开门做生意，正大光明，有咩怕你？」

第二场骂战：点知就中伏？

第二场骂战在一周前发生，有食客负评该店店员的恶劣态度。

该食客细数在店内用膳「受气」之处，要点如下：↓↓↓↓

第二场骂战在一周前发生，有食客负评该店店员的恶劣态度。

食客批评「门口呀姐」态度差，餐厅限时，「如果坐低就要开始计时80分钟。」

「最后都系好唔情愿地俾我哋入去搵已经坐低咗嘅朋友，之后每一位入座嘅客人都抱怨门口呀姐好恶赶客。」

「食物方面有好有坏。咖央多好食，巴东牛肉都好正宗。不过所有食物嘅调味都偏甜。」

「但系米饭唔够水分非常硬，咬到牙较都软。」

「埋单每位$100。呢个价钱喺佐敦尖沙咀算平。但有其他更好嘅选择，起码唔洗受人气，同埋对个胃都健康啲。」

该食客又批评店主「不愿接受批评之馀仲要将责任推卸落顾客身上。可能佢哋大把生意，唔志在少咁几个我呢啲闲人帮衬。」

店主再在帖文下留长文反击，对话依然相当进击，但出帖数小时后又删走回应，改为道歉。

店主继续进击：「接到你依个『客人』算唔算中伏」，回应突变道歉文？要点如下：↓↓↓↓

店主就这位食客的负评，再发长文回应，当中有不少金句。

「一日做得几辛苦坦白讲也不怕，最怕就系见到你啲咁嘅人咁嘅留言。」

「特别反映到好似我哋依啲小店，应该对你所谓客人卑躬屈膝，应该对你双膝跪地先令你满意。」

「你唔好咁自我中心啦，你要考虑吓人哋其他等位嘅人。」

「我接到你依个『客人』算唔算中伏？点解你可以咁自私？」

「我咁辛苦做完嘢，一打开电话就见到你讲啲咁嘅嘢，你会唔会赔返钱畀我？」

「大过啦，成熟啲唔好成个『巨婴咁』。」

店主长文发出后数小时，其后删走回应，改为道歉。

店主道歉：「思前想后，我之前对你的言论实在是非常恶劣。 也不应用工作繁重来做自己态度差劣的藉口。 对你致上万分抱歉。」

店主最新长PO指愿「斟酒认错」

店主昨日（18日）再在其官方FB发帖，以长文回应事件，指「细佬脾气口气，唔系太好。」，更表示愿意开Live，向当事人「斟酒认错」。

店主长PO金句连连：「细佬脾气口气，唔系太好。」要点如下：↓↓↓↓

店主昨日（18日）再在其官方FB发帖回应事件。

「大家脾气唔好，基本上每一日都会有一个客人对我哋讲粗口x我地老母。(完全冇交流之下)」

「细佬脾气口气，唔系太好。」

「代入大家都系打工仔嘅角色，可能我哋好俾心机做完老板俾的工作，问心无愧去交货嘅时候，」

「老板竟然回你一句：『屌你啲嘢全部都系甜嘅。同我捱通宵重新做过！』」

「咁真系一时之间收唔到怒火，不识大体咁讲左啲唔系几好嘅回应。」

「所有嘢都系我哋错，大家唔好嘈交。」

「呢位自修室嘅弟兄，如果你系当事人。我诚意邀请你嚟开个Live ，小弟亲自向你斟酒认错。」

「希望大家唔好嘈交。我哋大家都系香港人。有怪莫怪。」

网民对事件反应两极，有网民撑店主：「「真系晚饭80唔好预饱，仲要尖沙咀。」「虽则间嘢回应几串，但每人畀个少少，讲到好难食但又食晒，仲要上网打长文唱衰间餐厅，我系老板都唔gur啦。」

网民：唔怪得无人香港消费

但有网民则有所暗示地指：「唔好得罪佢（指该店老板）啊，出晒名。」

有网民则认为：「（店主）咁嚣张，$82/1都嫌，唔怪得无人香港消费。」「外人眼睇餐厅就算无错，（店主）回应都有啲寸嘴。」

----

《星岛头条》APP经已推出最新版本，请立即更新，浏览更精彩内容：https://bit.ly/3yLrg