独家丨玉泽演醒你绝密操靓Body秘诀 首度来港搞见面会教Fans野生捕获方法

韩团2PM日前举行出道15周年演唱会，继2017年后，相隔6年再合体开骚。34岁的成员玉泽演，之后就要忙于展开出道以来首个亚洲巡回见面会《2023 OK TAECYEON in Asia：SpecialTY》，首站上周六在台北登场，9月29日轮到陪香港fans过中秋。8年冇来港的泽演，接受《头条日报》独家访问透露私密生活时间表，讲操肌谈下厨，问到香港fans会否如台湾fans咁幸福，可以街头捕获对方在闹市单拖晨跑？泽演笑言有机会。 撰文：廖思慧

泽演样样皆能，问到有否想解锁的新技能？「经常做运动都会肌肉痛，学咗按摩就可以同自己按摩。」

泽演多谢香港fans对佢嘅厚爱、关心和支持。

泽演好健谈乜都讲。

泽演忙完2PM演唱会就开始展开个人首个亚洲粉丝见面会。

香港站门票分为888元及1488元，快达票有售。

韩团2PM刚于首尔蚕室室内体育馆，举行两场出道15周年演唱会。

泽演觉得2PM组成15年仍得到Fans支持觉得好感激。

泽演在2PM演唱会中解开恤衫钮晒肌，幸福的Fans。

好嘢不妨一睇再睇。

6子献唱29首歌，唱足3个多小时。

上周六台湾FM场前举行记招，著住西装的泽演好英俊。

台湾FM主办商提供跑步好地方畀泽演。

上周六的台湾场FM，泽演走埋上观众席亲手交礼物畀fans仲送多个揽揽，期待香港场。

 

泽演由歌手身份成功转型为演员，近年有大量作品，如在《黑道律师文森佐》中演深藏不露的反派「张汉硕」得到好评价，戏约不断。虽然忙，但运动跟生活已不能分割，为keep住爆肌body，平日要严格管理身材，泽演分享绝密作息时间表，「我其实唔食早餐，起身运动吓，保持空腹状态下先食午餐。」不过留意返泽演的「运动吓」并非郁两下流吓汗就算，「起床后先运动2个钟，包括做gym，加慢跑个半钟左右。其实运动可以练气，但我认为饮食餐单更重要，呢方面我比较注重。」

泽演经常同2PM队友灿盛一齐做gym。

泽演称做GYM跟生活已不可分割。

Keep住靓Body唔容易，泽演日日做Gym。

疫情时期都一样Keep住做Gym。

泽演好锺意做运动，游水是其一。

泽演份人好Chill，素颜出镜都冇问题。

出道初期的泽演，呢张相百看不厌。

 

 

识食又识煮
　　泽演都有减肥嘅时候，心得就系，「唔食碳水化合物。」之后随即补充，「但平时都会食好味嘅嘢，亦冇嘢系唔食嘅。」泽演有自己的YouTube频道，亦不时上载Vlog，今年初去台湾工作之馀就系咁食，还边影美食边自家配音「哗哗哗」，劲好笑，期待泽演在香港街边笃鱼蛋。另外，从其社交平台可见偶然都会下厨，包括繁复的sous vide pulled pork，泽演笑言：「平日唔会开炉，只会喺特别嘅日子下厨，例如节日或者父母生日。」而其烹饪导师就系YouTube，「通过YouTube学到好多料理。」

泽演平日狂做运动唔怕食，去台湾日食夜食仲拍埋片配埋音，超好笑。

泽演好锺意饮珍珠奶茶。

今年初到台湾出席活动。

泽演亲煮sous vide pulled pork，好成功大满足咁话。

最后一步撕成丝。 ​

再变成汉堡，好吸引。

　　问到若然接拍角色需要暴瘦或放弃完美肌肉？泽演秒答绝对冇问题。「当然可以！其实为咗健康而运动，我作为大众文化嘅人，唔系满足我一个人，如果我喺电影及剧集中除了展现演技，仲要变瘦变肥，我绝对唔会逃避。」

 

香港好有型
　　泽演上次来港工作已是2015年的事，「真系隔咗好耐先再次来港，记忆中香港fans非常热情地欢迎我，谂到好快同粉丝一齐留低美好回忆就好高兴同激动。」泽演赞香港系一个好有型又浪漫的地方，「我细个喺韩国过节，当时电视上经常播放好多香港电影，每当见到好帅气嘅香港演员，就会成日谂『哗，我都好想成为咁有型嘅人』睇得多香港电影，从小就好想去香港。」之前泽演去台湾工作曾经单拖喺街头晨跑，香港fans都好想知道，泽演在港时会唔会都落街跑吓步呢？「我记得香港非常热，非常潮湿，所以当时喺夜市流咗好多汗。我觉得喺呢个地方跑步好有魅力，有机会嘅话，希望一边跑一边睇匀每个地方。」最后泽演多谢香港fans对佢嘅厚爱、关心和支持。「希望能在9月29日，Star Hall见到大家。」

2015年，泽演为亲自设计的卡通猫OKCAT来港出席签名会。

台湾fans年初在街头捕获泽演跑步。

当事人仲打埋卡㖭。

台湾场FM前一晚，泽演亦去咗大佳河滨公园夜跑，祝福香港fans。

之前在台湾跑步再被捕获，好有型。

去神户做嘢同样在当地跑步。

 

《星岛头条》新网站有更多精彩内容：http://www.stheadline.com/