星8卦｜「恶死」为钱嫁「青梅」泰国包养囝囝慰藉芳心

2023-09-19 11:00

呢一年「恶死」成日唔喺香港，次次去嘅地方都好神秘，不过身边嘅人都知佢只系去泰国。「恶死」呢世啲感情生活都好精彩，最初一直都系同啲哥哥仔玩埋一堆，对「浪子」一直情深，奈何对方唔锺意异性，搞咗好耐至知道真相。

「恶死」因为咁自暴自弃咗一轮，俾「阿姐」睇上，两个人都开心咗一轮，因为「阿姐」好鬼迁就佢，又教佢投资之道。可惜唔系嗰种人就无办法逼自己，「恶死」提出分手，「阿姐」初时死都唔肯，「恶死」老窦唯有出绝招，要佢嫁畀「青梅」帮自己嘅生意。

两个无感情嘅人一齐梗系唔幸福，尤其「青梅」系个大滚友，婚后完全唔畀面，成日包三奶、四奶畀人知，「恶死」都叫有头有面，但老窦为咗钱完全唔理阿女幸福，要佢忍落去。而家「恶死」话之你死，三五日就飞一次泰国，喺嗰边有两个靓囝囝服侍，当自己系皇后咁，不过碍于面子，佢系非常低调，而且远离游客区开心，费事俾人知道影响家族声誉。