独家丨袁富华母轻微中风相处似玩Game 吴肇轩曾照顾脑退化嫲嫲助演照顾者

相隔5年，袁富华（Ben）跟吴肇轩再于电影《说笑之人》合作，并首演父子。前者要将残障者的内心世界呈现，后者作为照顾者亦好难拿捏，甚至勾起两人跟已逝母亲及嫲嫲的回忆。另外，他们凭电影获得芝加哥《亚洲跃动电影节》的演艺事业成就奖及璀灿新星奖。采访：杜杜 摄影：Stanley发型:Domanic tao@Orient 4(Ben)、Lupus@O4(轩) 化妆:Euthy Wong(Ben)、Bon Bon(轩) 服装:INITIAL GENTLEMAN(轩) 场地:Amaz by Lokianno

Ben哥和轩仔将亲身到芝加哥领奖，更认为得奖是台前幕后的功劳。

Ben哥希望透过海外夺奖，令外地了解香港电影质素已达国际水平。

轩仔在处男作《哪一天我们会飞》上映后，在工作坊认识Ben哥，「佢系其中一个老师，嗰时佢已经成日鞭挞我。」Ben哥解释，「叫佢出嚟做exercise，我当时真系咁样讲『《哪一天我们会飞》过咗去，唔好再做嗰啲嘢嘞！』佢仍然系『苏博文』（戏中角色）嗰种忧郁咁行出嚟，搵唔到演员本身个dynamic。」轩仔追问：「𠵱家呢？」Ben哥由怒变笑，「𠵱家一齐玩都唔知几开心。」

Ben哥提起当年轩仔在工作坊表现未达标，后者劲尴尬。

《哪一天我们会飞》于2015年上映，当时轩仔22岁。

父子角色各有难度

Ben哥在《说》中因小时候发高烧，影响脑部发育，要演绎身体机能和智力有问题，但他觉得内心戏更难掌握，「佢谂紧乜嘢？点解可以咁乐观？快嬲又快冇事，旁敲侧击先搵到佢个理念，因为思想似小朋友咁单纯，唔想人哋唔同佢玩，情愿俾人呃都唔想破坏关系。」轩仔认为做栋笃笑演员难，都不及做照顾者难搞，「最难处理系照顾爸爸，栋笃笑系一个宣泄点亦都系桥梁，畀我哋去和好，佢人生面对嘅问题，先系角色最难处理嘅嘢。」

戏中Ben哥和轩仔的父子情，既搞笑亦感人。

轩仔栋笃笑Sell戏，笑言学选举未上映已告急。

Ben哥角色晚年患上柏金逊症，勾起他们跟已故母亲和嫲嫲的相处回忆。Ben哥妈咪因轻微中风，损害了脑部词汇系统，会用不同词汇代替人名，「初头我觉得好烦厌，后尾搵到沟通方法，不停问佢系咪想讲边个，好似玩game，睇你点样去面对。」轩仔亦曾照顾患脑退化的嫲嫲，「嗰阵系毕业后入行嗰几年，嗰种唔成熟嘅照顾，可以应用喺套戏，但我当时同嫲嫲系好开心嘅。」

跟嫲嫲相处经历，对轩仔演绎照顾者角色有一定帮助。

《星岛头条》新网站有更多精彩内容：http://www.stheadline.com/