独家丨AK认有压力会瞓身谢票狂谷票房《七月》首做男一戏剧老师埋位前特训

2023-09-09 07:00

AK@MIRROR（江𤒹生）在灵异新戏《七月返归》首做男一，导演谢家祺赞AK准备充足，成功踢走20多位对手做主角。为配合角色，AK极速减肥，埋位前又投入「黐线佬」状态。笑言有票房压力的他，讲明会瞓身谢票谷票房。采访：杜杜摄影：罗安强造型:PIPA Creative(AK) 发型:Lorraine Lam@HairCulture(AK) 化妆:Yumi Cheung@Annie G. Chan Makeup Centre (AK)服装:Y-3、Giuseppe Zanotti(AK) 场地:太子酒店

AK在戏中极残，事前冇刻意唔瞓搞残自己，「唔使特登唔瞓觉，嗰时每日得几个钟休息，本身都冇乜时间瞓。」

导演谢家祺曾以「中环塔伦天奴」和「离奇家遮」笔名，推出过7本小说，自小沉迷恐怖片的他，一直有研究将最爱的灵异故事拍成电影，因深信「灵异故事的普世价值较ETV更有教育意义」，他希望透过《七月返归》带出讯息，「系咪要好似有阴阳眼嘅人一样，将一啲嘢视而不见」。

导演本是作家，《七月》是他首次执导的电影。

导演谢家祺大赞AK做足准备试镜，表现令他很深刻。

为争角色搵老师特训

谢导搵了20多位跟AK年龄层接近的演员试镜，最终拣了AK饰演男一「向荣」，全因他有备而来，「我哋认识佢系个好多嘢讲，好阳光、好有义气嘅人，当时佢想做一个佢觉得嘅『向荣』，好沉郁，同世界保持距离，佢讲恐怖经历，讲到好似朋友经历，用角色嘅身份同我倾偈，觉得佢可以发展落去。」

「向荣」性格跟AK相差好远，他觉得特别有挑战性。

AK笑言要打低对手好难，「哗！啲对手都系Tom Holland，好难争返嚟，哈哈！讲笑咋！觉得倾偈令到监制同导演印象比较深刻。」他承认为争取角色花了整个星期，「『向荣』跟『关志浩』（《打天下》）同『欧阳骏』（《绳角》）好唔同，呢两个角色某程度上系导演觉得似我，先至搵AK去拍，但我喺『向荣』搵唔到AK影子，好有挑战性，收到剧本就即刻搵戏剧老师，睇吓试镜前点样准备。」

AK为演绎情绪波动戏份，埋位前会做呼吸练习。

AK笑言小演员的演戏经验较他丰富，表现好专业。

自爆屋企扮动漫人物

为更易投入「向荣」的世界，AK努力在两人之间发掘共通点，「都系择善，坚持啱嘅嘢，唔会逃避，会去解决问题，将呢啲特质尽量放大摆喺自己身上，然后再加啲幻想去呈现。」此外，他又要极速减磅，「导演想个角色因为多嘢谂、多嘢烦，要瘦弱返少少，嗰时啱啱完咗《绳角》特登减磅，食少啲嘢，我估减咗3、4磅。」

拍《七月》时正值炎夏，又要长期在密封工厦拍摄，台前幕后都相当辛苦。

AK操肌拍剧集《绳角》，接着要极速减磅拍《七月》。

AK有大量场口要靠幻想演绎，作为动漫及绿幕电影迷唔算困难，因「训练」有素，「我真系成日喺屋企扮佢哋㗎！哈哈！（导演忍唔住笑）所以应付到幻想世界呈现出嚟嘅嘢，最难反而要做不同程度的惊吓反应。」另外，AK每日埋位前要跟戏剧导师做特训亦好难忘，「好似个黐线佬咁企埋一边做呼吸练习，然后老师会帮我进入状态，佢会不停喺我耳边讲一啲『向荣』发生咗或者嚟紧要面对嘅嘢，再加自己嘅幻想，个moment几特别，你要好专注但同时要接收唔同资讯，系个几好嘅体验。」

AK首次跟国际级影星白灵合作，好兄弟Lokman和Alton亦有去探班。

短期内唔再投资生意

队友Anson Lo担正的电影《酿魂》同期上映，由于同样是灵异题材难免有比较，AK以一贯幽默回应，「我觉得佢哋好攰罗！咁都要攞嚟比较，虽然都系讲灵异嘢，但我睇过阿Lo嗰套Trailer，我觉得大家嘅方向同意思唔同，唔需要比较，两套都睇晒就可以啦！」问到首次担正有否票房压力？他继续搞笑，「唉！你咁样问，啱啱又话要比较喎！你咁样问我梗系有压力啦！但我同佢哋讲，我绝对唔系带货嗰批，会尽力帮手。」他强调时间许可一定会谢票，亲自答谢观众，「可以偷偷哋望出去睇吓大家反应，我锺意咁样，我喺纽约（出席纽约亚洲电影节）都唔系好专心睇，睇某啲位会唔会惊呀？会唔会有反应？」

讲到《七月》被拿来跟队友AL主演电影作比较，AK以一贯幽默态度回应。

AL担正电影《酿魂》同期上映，同样是灵异题材。

讲到同Jer（柳应廷）及ERROR肥仔（梁业）合资的日本餐厅，以及哥哥合资的日式甜品店相继结业，问到有否损手离场时，AK鬼马地望一望自己对手，「冇事，乾净只手。」他坦言未有吓亲，但短期内会专注演艺工作，「又未去到怕，但都系一个经验值，经一事长一智，今次汲取咗经验，下次再做好啲，但短期内就未必再投资。」