星8卦｜「气质」感恩「奇人」救命之恩哑忍出轨迟早屈到病

2023-09-08 11:30

其实一直都唔明白，「气质」点解咁多年都对「奇人」咁忍让，明白嘅一点系当日「气质」俾老窦搞，好唔容易逃出生天，「奇人」当时对佢好好，好似救命草咁出现，畀到一个安定「气质」。「奇人」屋企有个钱，又鬼佬性格，好包容「气质」啲出位行径，甚至喺背后畀好多意见，令到「气质」都得到好多宅男青睐。

「奇人」就成世无乜嘢做，陪住「气质」出出入入，扮晒艺术家，最惨系逢饮必醉，醉咗就成日乱讲嘢，令到「气质」好尴尬，始终自己有头有面。「奇人」近日仲离谱，家道中落靠「气质」养，仲喺出面有几朵小花搞暧昧，但「气质」一直当睇唔到，不过就少咗好多二人同行，明显感情唔多好，而且成日见到「气质」好落寞咁一个人四围去。

佢私底下同朋友讲自己系个好懒嘅人，既然两个人都喺埋一齐，就唔可以话分开就分，个男人几锺意玩，识路返屋企就唔太计较，而「气质」脾性咁好，一直都俾「奇人」食住，长此下去，忍只系一个好差嘅鸵鸟政策，趁自己仲有啲筹码，快啲去搵嗰个啦！