星8卦｜「排骨」好胜爱争仔扮死以为赢到笋盘一齐还债

2023-09-05 11:30

而家啲女仔真系好进取，「排骨」斗靓出身，斗得过瘾，连男人都要斗抢，所以咁多年佢都无乜女性朋友。好似斗靓期间佢睇中另一位姐姐嘅男人，佢开初系同人扮Friend，成日玩三人行，有啲女人真系生成狐狸命，系男人都会对佢产生兴趣。未斗完靓，人哋嘅男友已经转会做咗佢嘅人，转到人人都藐话呢对正式狗男女，但惨得过「排骨」一啲都唔知丑，仲要个男人车出车入做观音兵。

「排骨」惯咗同期有两个男友，有时仲要三个，而且叻到彼此唔知大家嘅存在，因为每个男人嘅功能都唔同，方便自己呼来唤去。最近佢终于停咗落嚟，因为佢呢个「目标」之前同好多圈中靓过自己、叻过自己嘅拍过拖，唔知点解自己嘅姣功都唔系好凑效，唯有一次出招扮死，佢都好博㗎，如果「目标」唔系及时出现，佢随时要等第二世投胎至有机会再追过佢想要嘅男人。

不过「目标」系表面风光，闻说呢几年都唔系好掂，所以佢都要默默继续捱，帮吓手还债。呢个故事就系教训大家，有乜好争呢，争番嚟可能都系另一个箩底橙！