独家丨Frankie自嘲：早3年演会做到成督屎跟强尼演音乐剧唔介意机会迟过队友

2023-08-30 07:00

Frankie＠MIRROR（陈瑞辉）将于下月首次演出音乐剧《大象的告别式》，跟初次合作的强尼还会有感情戏。讲到虽然在剧集《IT狗》、《野人老师》表现不俗，但演戏机会欠奉，观众都替他不值，Frankie就完全唔介意，反认为可提供足够时间装备自己，否则都未必够胆接今次的音乐剧。采访：杜杜摄影：谭志光形象:PIPA Creative(Frankie) 发型:Seiko Sin@HairCulture(Frankie)、Mavis [email protected]_hair(强尼) 化妆:Mayling Suen@Annie G. Chan Makeup Centre(Frankie)、Yuki Pan@yukimakeup(强尼) 服装:I.T、Both(Frankie)

Frankie现在心态准备好，够胆尝试更多不同类型的工作。

两人形容今次合作，好似去森林探险，一齐摸索互相照应，感觉好正。

继去年音乐剧《二人餐》，强尼再演出音乐剧，他形容有了上次小试牛刀经验，今次较安心，「旧年都系8月做，但个场细啲200松啲人，今年个场大好多（戏曲中心），做完细场再做大啲，个心又会好啲喎！」第一次演音乐剧的 Frankie坦认超紧张，「强尼旧年小试牛刀，我一嚟就大试牛刀，哈哈！」强尼笑他，「一嚟攞西瓜刀！」Frankie未见制作团队时压力超大，接触后才稍为放松，「见到团队围读过，我又跟小龙（女主角、出品人及编曲黄靖程）学过几堂唱歌，个心先定返好多，跟住见到啲飞又卖得好快，系支好大嘅强心针，帮我去肯定自己，知道有人支持，有信心做。」

强尼去年跟吴海昕和钊锋合演音乐剧《二人餐》。

Frankie和强尼还会跟黄靖程（左一）及冯志佑（右一）有对手戏。

强尼有机会玩唱跳

剧中会配合剧情演绎大量经典广东歌，讲明对唱歌冇自信的Frankie好雀跃：「跨几个年代歌都有，我哋团歌都有呀！哈哈！但未必系一个人唱晒，应该会分工。」强尼即兴奋扮男团：「大家好！我哋系MIRROR！」讲男团讲得兴起，强尼再鬼马问：「你系咪想睇我跳舞？哈哈！等我考虑吓，未知猪仔老师（编舞师）点安排，可能到时发觉我骨骼精奇，唔排场跳舞畀我都唔得，哈哈！」讲到戏中的感情关系，两个大男人变得吞吞吐吐，强尼：「呢个真系，唉！点样去表达畀你哋听呢？！」Frankie谂到唔剧透下点解释，「我会同时爱上小龙同强尼个角色，但爱又未必等如男女朋友嗰种关系，正如fans都咁爱我，咁支持一样。」

Frankie不介意演戏机会不及队友，认为每个人条路也有不同。

舞蹈员出身的Frankie，对音乐剧演出有一定帮助。

2018年《全民造星》后，两人才首次正式合作，Frankie觉得用拍档视角望强尼，又有另一番风景，「第一次观察到强尼做嘢嘅认真，同第一次听佢唱歌，我睇强尼多咗好多星星，又多咗啲色彩，拍档感觉强咗。」强尼直言主持《造星》后，令事业起飞，亦觉得Frankie成长了很多，「平时都系认识佢制成品嘅一面，但未试过一齐经历工作过程，感觉系新鲜，同呢个人好似好熟识，但系第一次一齐做嘢，感受最深一齐围读同试歌，发觉佢呢5、6年不止畀我喺综艺、演唱会见到咁简单，嗰啲原来只系面嚟，呢几年经过锻鍊，个底仲有。」

强尼赶拍新剧《总有一瓣》和《反起线联盟2》，还要为音乐剧准备，但他忙得好开心。

Frankie（前左一）跟老师学演戏。

佛系人生唔会妒忌

Frankie在ViuTV剧《IT狗》的「Never」和《野人教师》的「Marco」均获赞，可惜无以为继，不少人替他不值，他反而睇得好开，「每个人走唔同路线，一定会有人迟啲，有人早啲，我迟啲先开始，储落嘅嘢会多咗，起步嗰吓唔使咁多摸索阶段，我睇呢样嘢系乐观哋有利嘅。」粉丝戥Frankie肉紧，但一向佛系的他又有另一个睇法，「我好少会羡慕或者妒忌人哋有嘅机会，我觉得机会畀到我时，我做得好就OK。」

Frankie在《IT狗》演性格负面的「Never」获赞赏。

Frankie跟队友邱士缙在《野人教师》表现同样得正评。

Frankie又攞今次音乐剧做例子，认为机会出现前，首先要装备好自己，「如果早3年畀今次呢个机会我，我可以做到成督屎咁，乜都做唔到，应该直情handle唔到，咩standard都唔到，根本接唔到呢件事嚟做。」他认为装备得最多，反而是心态上多于表演技巧上，「我以前会block咗自己一啲方向嘅走向，可能唱歌唔系好得，咁就唔唱歌啦！但系咁样其实系封杀咗自己嘅路，点解唔试多啲唱歌先同大家讲，我真系唔适合呢？！虽然我冇咁讲过啦！我𠵱家好愿意去试好多唔同嘅嘢。」