吴若希曾两度抱女离家出走 爆老公为存在感刻意挑机博闹
2023-08-27 12:00 
31岁吴若希（Jinny）因为经常在网上公审老公何兆鸿（Alex）而被视为「世界级港女」，不过吴若希懒理外间批评，经常高调批评老公，甚至多次与网民发生骂战。日前她现身虾头（杨诗敏）及连诗雅主持的网台节目《丝打围炉》，在节目上她继续「港女」上身，自爆因老公沉迷打机而掟烂电脑，而且很喜欢「抱住个女离家出走。」]
【相关阅读】：吴若希31岁生日刚隔半年再次中招 呢位「仇人」睇准时机冲出嚟幸灾乐祸
【点击睇吴若希自爆有第三者】：
被视为「世界级港女」的吴若希与澳门阔少何兆鸿（Alex）2017年10月结婚，婚后育有一子一女，虽然她曾多次公审老公，但亦不时在网上公开放闪，可见她们相处方式确实很特别！今次在节目上，吴若希继续分享她的「御夫术」，吴若希称老公在结婚初期曾经有个闺密，因关系不避嫌而令她怒火中烧！她说：「我老公会将我哋拍拖啲嘢同佢闺密Share，又会成日一齐饮酒，到我个女百日宴，我老公都有邀请佢闺密过嚟，闺密喎！闺密喎！咁Friend又唔到？闺密系乌『龟』定系喺屋企个『归』呀？」她还说：「最介意呢啲EX同其他女人，不避嫌之馀，又唔当住我面前出现，真系好奇怪，佢个真系闺密好神秘，神秘到好似缩埋喺个龟壳入面咁。」
吴若希与老公结婚接近7年，她笑言大部分都是单向闹他，她还自爆试过用一件事而惩罚老公：「我好锺意离家出走，我锺意抱住个女离家出走，但系我系会一声不响咁走，呢样先代表你真系嬲！平时好锁碎嘅都直接闹，闹完就冇事，大件事就会唔出现直接走。我谂个女出世到而家，离家出走咗两次！其实只要唔系佢死口唔认错，就唔会有呢啲嘢发生。」
「恶妻」上身的吴若希，直言试过不满老公经常打机而「掟烂晒啲电脑」，而且更烧掉他的前度送的颈巾：「嗰次唔关打机事，但系喺佢去打机嘅时候，我发现咗有呢条颈巾嘅存在，而佢冇承认过同我讲有呢一位前度，又系死口唔认，我咪放火烧咗佢条颈巾。」吴若希言谈间笑言老公其实是「博闹」：「我老公好锺意俾我闹，佢有阵时系冇嘢搵嘢嚟做，鬼鬼祟崇故意走过来，博闹两句就走返出去。到后尾佢发现咗，我老婆唔闹我，有啲嘢已经费事闹！佢俾人发现咗闹少咗之后存在感好低，当真系要闹交嘅时候佢就会博你嘴，同你再闹多啲！」
对于婚姻之道，吴若希竟然说：「我奉劝未结婚嘅朋友仔，千祈唔好乱结婚。如果系为咗有小朋友家庭系可以结婚，如果纯粹为咗结婚，我爱你好想同你结婚，就唔好啦！因为结完婚唔会有爱。」不过自从有了两个孩子，吴若希自言自脾气都减退了不少，一定不会再做以上激烈的行动，望到两个孩子都已经立即「灭火」。
【其他文章】：
林盛斌爆杨受成唔去饮喜酒仍豪封6位数人情 吴若希出撒手鐧避接新娘变态游戏
吴若希大女6岁牛一被夹攻锡锡变形反白眼 生日蛋糕搵《中年好声音》支喾仪帮拖
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应