专栏｜感激支持 后会有期

搵返自己由今年2月开始，喺《星岛体育》已经写咗27篇专栏文章。今次第28篇，亦会系我最后一次同各位读者喺呢度讲波经啦。

因为嚟紧自身嘅工作安排，艾尔要暂时放低支笔，全力「闭关修行」。喺度先要感谢各位读者，同埋收睇《猜波台》节目嘅咁多位观众，你哋畀咗好多鼓励同建议，艾尔从中都学咗好多。

同我爱队车路士一样，艾尔接受咗唔同嘅挑战，从来未试过嘅足球评述都涉猎埋。当然，我讲波嘅经验唔算太深，就好似古斯图、马特臣、梅迪历等上阵经验未太丰富嘅球员，过程中会有甩漏、有错失。

不过，呢段时间艾尔不断嘅摸索，听咗各方面嘅意见，唔敢讲去到炉火纯青，但起码都学有所成。

艾尔能够行到嚟呢步，实在感谢Gary、马高、Jo、Will仔、LingLing同小乔嘅提点同指教，几位导演同样帮咗好多，愿《猜波台》台前幕后顺顺利利，亦希望Gary嘅「神迹」继续帮到各位。

今年我嘅爱队好多嘢都好新，可谓万事起头难，初头未必会咁如意，但只要搵啱方向，相信总会有转机。艾尔希望各位读者可以搵到属于自己嘅路，尽情发挥，我哋后会有期！艾尔

-----

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ