独家丨《东周刊》直播马赛靠研究中医自救重提9年前艳舞风波患抑郁获古天乐鼓励

2023-08-24 07:00

2014年前港姐马赛卷入艳舞风波，爆出与内地制片人汪子琦同性恋情，二人一同欧游并被拍得于上海揽啜，马赛被指介入汪子琦与富婆Laura婚姻中做「小三」，令她形象插水即被无綫雪藏，最终返回内地发展。现长居北京的马赛日前快闪返港，前天应东周刊副社长BilIy(黄庭桄)邀请接受直播独家访问，期间重提9年前嘅黑历史说：「过去咗嘢及人唔想讲太多，但，人性嘅嘢我学习咗好多，当见识到人性最坏嘅时候，就会更珍惜所有温暖、友善嘢。」

前天马赛应《东周刊》副社长BilIy(黄庭桄)邀请做独家直播访问，同场还有曾醒明(曾爸爸)。

直播中马赛对住《东周刊》副社长BilIy及曾爸爸无所不谈。

马赛对以前发生过嘅事唔感后悔。

昔日嘅经历令她快速成长。

由无知𡃁妹渐变成熟。

当天还有神秘嘉宾前无綫企业传讯部宣传科副总监曾醒明(曾爸爸)，曾爸爸由港姐开始睇住她长大，马赛见到曾爸爸即感动爆喊，因为2014年7月面对事业低潮时，曾爸爸陪伴她开记者会。曾爸爸好记得，当时马赛喺记者会门外表示惊慌颤抖，为咗派定心丸，他就毫不犹疑拖住马赛步入会埸，翌日竟然大幅入镜成为头版新闻。

马赛感激当日仍陪伴著她嘅每个人，包括曾爸爸。

曾爸爸以神秘嘉宾身份忽然亮相给马赛惊喜。

马赛开心到流出眼泪。

场面感人。

珍惜相见机会。

经历咁多，令马赛好容易喊。

当年大型特备统筹科经理Rosa(陈紫莲)荣休，曾爸爸要兼任管理港姐事务，经常陪同港姐马赛出席公开活动。

因为2014年7月面对事业低潮时，曾爸爸为给她定心丸拖住她入场开记者会。

记者会上马赛哭了3次，成为泪人。回忆旧事，马赛亦深觉自己处理未成熟，智慧唔够，唔应该俾情绪掩盖件事，但当时觉得自己好委屈：「之后去咗英国游学遇上前辈古天乐，连佢都问我『点解会喊？』而艺员科高层乐易玲就送嘉玲姐(刘嘉玲)危机两个字俾我，佢话『危机危机，有危有机。』其实当时我视为危，冇把握好个机，经此一役系个好大嘅成长课题，人生好神奇，更感恩当日留喺我身边嘅每个人。」

记者会上马赛度狂哭。

她直认控制唔到情绪，感觉太受委屈。

离场时向记者合十致谢。

喺马赛开记者会前后，曾爸爸都一直陪伴在身边。

当年乐易玲有提示马赛如何走出困局。

古天乐唔明白点解马赛要喺记者会上嚎哭。

刘嘉玲明言，有危自有机，做人要淡定。

当年马赛成为传媒追访对象。

因为唔识处理经常泪汪汪。

唔后悔过往经历

Billy追问她会否想抹走当年事？马赛却说不用，因为咁样，才变咗一个更加有智慧嘅人：「其实当年我喺社会乜都唔识，TVB系个好好嘅木人巷，嗰两年令我好快咁成长，加上之后返咗内地发展，由低开始做学会好多，所以冇后悔做过嘅任何嘢，反而愧疚冇好好把握TVB栽培，但我相信自己能变成一位更好嘅艺人。」

当年马赛被指做「小三」，介入汪子琦与富婆Laura婚姻中。

「小三」之名令马赛形象插水。

马赛曾陪汪子琦欧游。

当年马赛微博泄密曾去欧游。

马赛背住富婆Laura暗挞汪子琦。

当年马赛好进取，常着低胸装现身。

对于当年爱情路上崎岖关口，马赛自言过去咗嘅嘢及人都唔想讲太多：「人性嘅嘢我系学习咗好多，反而会感激有咁大嘅低谷经历，因为自港姐开始就好顺利，出道仅3年就夺得『飞跃进步奖』，得到好多人爱锡及照顾。事件后令我可以反省自己，原来嗰段时间自己系有少少自大，明明系个唔识嘢嘅𡃁妹，反指人哋判断系错…」

马赛系2008年港姐季军。

2011年无綫台庆颁奖礼，欧阳靖和马赛分别夺得「飞跃进步男女艺员」奖项。

剧集《名媛望族》拍住力捧嘅吴卓羲演出。

同年跟小花锺嘉欣合作拍剧集《九江十二坊》。

马赛和小生萧正楠拍过剧集《神探高伦布》。

剧集《耀舞长安》中有胡杏儿、陈自瑶、马赛演出。

研究中医抗抑郁

嗰次打击令马赛患上抑郁症，冇晒精神，瞓唔到觉，要食西药治疗，之后开始信佛及研究中医「救自己」。她分享经验之谈：「原来捱夜、捱冻阳气不足，身体变差更易有唔好嘅思想，故要Keep住保暖、饮暖水、唔好着咁少衫、要晒多啲太阳、亲近多啲大自然及有足够睡眠，要养成良好嘅生活习惯，顺时生活好重要。」结婚4年，育有4岁囡囡Camellia嘅马赛生活幸福：「𠵱家调整个人心态，每日都好感恩，所以泪点都变得超级低。以前身在福中不知福，直至去到最低潮时先睇到自己嘅位置。喺最黑暗嘅日子，我会写感恩日记，记下一啲小确幸。」