破毒强人丨马贯东忠心耿耿惨遭离弃兼揑死 演技爆发网民集气拎男配角
2023-08-23 18:30 
由陈豪、胡定欣、萧正楠、张曦雯、何广沛、张宝儿、蒋志光和马贯东演出的剧集《破毒强人》已经播到中段，昨晚（22日）播出的一集，本来对「文华」陈豪忠心耿耿的「杜飞」马贯东终被离弃，惨遭「文华」陈豪亲手揑死兼掟入天台水厢，相当无情。对「杜飞」马贯东的死，不少网民留言感不舍留言，甚至还有网民力推他今年荣膺「男飞跃」／「最佳男配角」奖项殊荣。
【相关文章】：死有对证丨马贯东入行17年首次做男一 要靠「前辈」陈晓华带入戏
【点击睇《破毒强人》马贯东演出】：
对于被网民睇好，马贯东（Mark）被问会否寄望今年终能胜出男飞跃？马贯东笑言：「能够获得提名嘅艺人，都一定好有实力同有明显进步，所以参与到竞逐奖项已经好开心，能唔能够攞到就交畀观众去决定，边个拎到呢个奖都系实至名归。」谈到杜飞被文华狠杀，马贯东笑指场口是「负面情绪大杂烩」：「点解一个咁信任你嘅人，你要佢咁样为你犠牲？嗰种被背叛嘅感觉真系直插心脏，呢个场口嘅情绪系全套剧入面最丰富嘅，仇恨、无奈、悲伤、绝望，所有负面形容词一次过喺嗰幕呈现出嚟。杜飞可以为咗文华不惜一切，只要佢一句乜都得，但最后都系被背叛。」
入行以来最辛苦的两场戏
不过不得不提，还有逃狱以及与杀手泥浆肉搏动作场口，马贯东坦言是「入行以来最辛苦的两场戏」，他说：「嗰日非常热，加上落大雨又湿又焗，喺呢啲情况下拍打斗戏，真系几消磨体力同意志。泥浆嗰场更加难，因为啲泥浆搞到个身黐𣲷𣲷，郁动方面有困难，同时又要就住唔好畀啲泥浆入眼，否则会睇唔到嘢。为咗效果，我同对手Peterr沟通之后，决定唔理咁多『实做』，轰轰烈烈咁打场好交，当然我哋做足安全措施，戴晒护膝、护踭同腰封，拍完马上射水冲身。」谈到角色招牌「皮褛」，马贯东笑言又爱又恨：「件皮褛的确好型，但30几度加上劲湿嘅天气，再加埋啲打斗戏，著住佢真系百感交集、痛不欲生，嗰种痛比起文华畀我嘅痛，系不相伯仲，哈哈。不过睇番观众咁欣赏，所有嘢我都觉得系值得嘅。」
三度提名男飞跃铩羽而归
入行17年的马贯东，代表角色除有《爱‧回家》系列的十仔及博士外，还有《那些我爱过的人》的古医生和《爱上我的衰神》的Santino 等，至今仍有网民「十仔」或「博士」称呼他，足见角色入屋度，自2016年起，马贯东曾三度提名男飞跃，可惜均铩羽而归。
【其他文章】：
破毒强人丨「安乐」何广沛失声原因似曾相识？ 网民即联想一部TVB经典剧
破毒强人丨马贯东将罪名揽上身原因曝光 陈嘉辉疑是黑警偏帮出晒面？
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应