天价徵公仔每只$2000 港男寻物Po热传 背后藏催泪故事｜Juicy叮
2023-08-23 11:50 
有港男在网上发帖徵求数十只普通旧公仔，他开天价每只$2000，引发热议，寻物Po背后原来藏著催泪的故事。
天价徵公仔每只$2000 你有无「呢啲」公仔？【全名单】↓↓↓↓
该港男于本月（8月）内先后两次在连登讨论区发帖寻公仔。
第一次在本月初，他出价$2000徵3D绘图高手，希望3D绘图师先将这批旧公仔画出来，之后他可凭图找公司制作。
港男催泪寻物Po热传 公仔背后藏著...↓↓↓↓
但似乎有关计划未能成功，日前港男再发帖，主题为「重酬徵公仔($2000一只)」。
他在帖文中附有公仔的相片，表明「徵图中任何一只公仔，每只$2000」，这些看似普通的旧公仔，对港男别具意义。
他在帖文中表示，这约30只公仔都是在十年前逝世的妹妹所有，妹妹非常锺爱这批公仔。
母误丢公仔 网民怀疑是...↓↓↓↓
每只公仔都藏著妹妹生前和他的互动记忆，「细个时会拎佢哋嚟教妹妹做功课同埋氹佢，亦成日同妹妹一齐讲啲公仔嘅嘢。」
「佢哋每一只都有自己嘅名同埋性格，喺我同妹妹心目中，佢哋唔系公仔，而系动物。」
曾答应妹妹火烛带埋啲公仔走
「妹妹过身后，我就将佢哋放喺我床边，望住佢哋时就会谂番起我同妹妹嘅开心回忆。」
他曾经答应妹妹「火烛」都会「带埋啲公仔走」。
不过，上月他发现有十多只公仔不见了，他怀疑是妈妈不小心误丢，「妈妈就话可能佢几个月前拎妹妹啲旧衫去揼时，唔小心揼埋啲公仔。」
「觉得好抑郁、好难过」
港男自言之后，一直好抑郁，「好嬲妈妈点解咁唔小心，妈妈同我道歉咗几次，我原谅咗佢。」
「近两个星期放大假，我乜都做唔到，每日都好抑郁、自责由一瞓醒就觉得好难过，直至瞓觉，妹妹生前嘅片段亦一直浮现出嚟。」
「我一谂起以后可能再见唔番啲公仔，就觉得好难过。」因此港男希望尽最大努力找回这批公仔，「咁到我老咗嘅时候，望住啲公仔，都可以谂起妹妹。」
网民：系契机叫你放下
网民对事件议论纷纷，不少网民祝福港男早日寻回公仔之馀，同时劝港男「放低」，「买得番都唔系嗰只，放低啦楼主」，「希望你可以释怀，你妹妹都唔想你咁」，「会唔会系契机叫你放下？」有网民建议若仍走不出伤痛，可以尝试寻找专业心理治疗。
有网民甚至认为港男妈妈误丢，可能是避免触景伤情：「你阿妈可能唔想触景伤情，只系佢唔讲出嚟。」「可能呀妈就系想你快D释怀，先成日想帮你掉左D公仔。」
港男亦有回覆网民叫他放下的留言：「我都好想放低，但真系唔系咁易，每一只公仔都有佢哋唔同嘅身份，都有一啲我同妹妹嘅开心回忆，我唔想失去佢哋任何一只......」
----
《星岛头条》APP经已推出最新版本，请立即更新，浏览更精彩内容：https://bit.ly/3yLrg
最新回应