专栏｜西班牙过度猜传体能成疑

女子世界杯4强，西班牙会同瑞典碰头。「狂牛」由分组赛到16强面临嘅压力唔大，直至8强对住荷兰，艾尔认为问题开始暴露出嚟。

西班牙上仗8强一贯以往踢法，全场控球率高达62%，射门次数亦远多于荷兰。虽然喺81分钟凭12码打破缺口，但无几耐就被荷兰追和，要到加时先分到胜负。艾尔认为西班牙女子队同男子队嘅问题都差唔多，当面对一啲专心「泊巴士」嘅球队，往往好难攻破对方大门。

更致命嘅系，呢种过度猜传嘅踢法好消耗体能，亦较易露出防线漏洞。刚战被荷兰追入嘅一球，正系防守球员走动速度大幅放缓，对手突然加强前场紧迫，结果「橙军」一下直线传送，劏穿成条西班牙中后场防线，领先优势只系维持10分钟。可想而知，西班牙唔系无弱点，嚟紧4强对住瑞典，相信会有更大挑战。

瑞典曾经喺8强淘汰美国，虽然美国实力大不如前，但瑞典承受对方21次攻门，最后都力保不失，防守纪律性做得唔错。球队喺4强嘅形势估计较为被动，但前线反击力唔差，死球攻势亦有效率。此消彼长下，艾尔撑瑞典可以喺法定时间保持不败，推介让球受让平半下盘。
艾尔

-----

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ