独家丨何雁诗曾处产后抑郁边缘:老公落街跑步都喊 肉赤郑俊弘被嘲讽「6亿䮛马」

何雁诗(Step)最近签约老友张子丰主理的制作公司MOVING PICTURES，成为公司首位女歌手。头炮新歌《the right kind》由她创作兼监制，藉此表达以名利和金钱来断定一个人嘅成就相当唔应该。入行14年，一直唔使愁生活又做咗妈妈的Step，对娱乐圈争名夺利好有感受：「今年系『一姐』、『一哥』下年又未必系，冇乜意思！」另外，对于老公郑俊弘（Fred）被嘲讽「6亿䮛马」直言好肉赤，更自爆曾处产后抑郁边缘，相当危险。采访：方骞平 摄影：邓国良 发型：Green Cheung @ Admix Hairstyling 服装：SUNCOO

Step想成为儿子榜样，就算有家庭都唔会放弃梦想。

Step最享受创作过程。

做音乐能带给她快乐。

就算做咗妈咪都唔会放弃唱歌。

何雁诗的新歌是陀B时创作，从而唱出个人心声。Step由2009年参加第一届《超级巨星》出道，14年间经历人生高低唔同阶段，由细公司musicNEXT(老板系张子丰爸爸张国林)跳到大唱片公司星梦娱乐，2000年自资做独立歌手，兜咗个圈，𠵱家跟张子丰合作，对加盟新公司有新的目标。

最近Step签约老友张子丰公司，头炮新歌《the right kind》由她创作兼监制。

Step新歌MV都亲力亲为。

新歌MV都好揼本。

Step曾做过独立歌手推出歌曲。

Step跟张子丰(后排左3)系多年老友。

Step陀B时有唔少创作灵感，令怀孕过程增添唔少快乐。

被力捧时有心雄

30岁的Step直言现阶段唔再追求做「最佳女主角」及「女歌手」金奖，反而想得到共鸣，做想做嘅事，同屋企人一齐感受生命：「以前喺大公司时连续有几首NO.1歌，势头咁好都心雄过；亦都试过做乜都俾人闹爆(感情问题)，经历几个阶段感受到争名夺利原来唔适合我，亦冇奢求过，所有争『一姐』(同期战友吴若希、菊梓乔)都唔关我事，我从来只系局外人，斋睇唔会参与，所以确定要搵一个适合自己模式嘅公司去运作。」她以旁人角度睇争『一姐』、『一哥』认为冇乜意思：「今年系『一姐』下年又未必系，咁争嚟仲乜？只会自己辛苦，真系唔系好啱我，我嘅快乐建基于做音乐嘅过程，可以主宰到有更多参与度、团队适唔适合自己、今年写几多首歌等，其他事控制唔到。」

Step同期星梦战友吴若希、菊梓乔争崩头做「一姐」，两人不时互寸。

相比吴若希、许廷铿、老公郑俊弘等，何雁诗直认唔得宠，永远系靠边站。

两年前何雁诗以独立歌手身份上《劲歌金曲》唱新歌《灰够》，却成为箭靶被尖酸刻薄的DJ陈海琪评击到爆喊。

2017年4月已有未婚妻嘅郑俊弘被爆与何雁诗恋情，Step面对好大压力。

被老公父爱感动

作为人妻及人母，但Step绝非以家庭为重，她表示产后受荷尔蒙影响，头半年注意力会集中囝囝Asher，儿子经已14个月大，想分配好啲时间：「其实我完全留喺屋企，对自己及小朋友未必系最好选择，因为我好容易过份紧张，就如BB今日冇便便就会好焦虑，如果放手畀老公及家人凑，自己做音乐嘢，做妈咪心态会平衡啲。」尽管Fred恨追B恨到出口，但也会撑老婆做音乐：「讲真如果我焦虑、担心及唔开心，喺度咿咿哦哦，最后烦住嗰个咪又系佢！佢见证住我写歌时嘅欢乐，点都会全力支持。」暂时Step要高度设防严禁发生「意外」：「见爸爸咁锡小朋友，作为妈妈会俾佢感动到，成个人都溶晒，𠵱家关系变得更好。」

儿子Asher跟郑俊弘系饼印。

14个月大囝囝Asher好得意。

Fred本来冇谂过咁快做老窦，但𠵱家父爱爆棚，仲心急追多个。

好有爱。

两父子常有互动。

Fred懒理被嘲笑

两公婆由拍拖初期到婚后共渡好多难关，Step自爆最难过日子，是小朋友刚出世头3个月：「以往为老公付出多啲，会煮早餐佢食、车佢开工，但产后唔识得平衡照顾时间，加上受荷尔蒙影响变得躁底，头两周变得好迷失处于产后抑郁边缘，就连就算有陪月，Fred行开一阵落街跑步，我都会担心被离弃狂喊，佢会默默听我哭诉，原来作为产妇需要身边人陪伴，经此一役明白到要冷静理解自己所需，清楚沟通就能解决好多问题。」对于Fred被嘲讽改花名「6亿䮛马」，Step坦言作为老婆当然唔锺意老公俾人话：「我哋入咗行一段时间，我会理解其他人嘅意见，但我都有我嘅意见，控制唔到就算，佢反而唔多在意。」

Step见老公揽啜儿子，会呷囝囝醋，要求锡埋一份。

产后头3个月受荷尔蒙影响，Step需要老公日夜陪伴。

产后头两个月就算有陪月姨姨，Step都要求老公陪到实。

Fred自2020年娶Step后，被网民嘲讽系「6亿䮛马」。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ