将军澳好心街坊接力代抱脚痛男孩 坐月港妈发文感谢 网民因一事眼湿湿｜Juicy叮

伸出援手，递出朴实的善意往往小事意义大。将军澳两位街坊，日前主动接力抱起因甩掉脚甲痛极无法走路的男童，给才分娩两星期的坐月妈妈帮上大忙。好人好事在网上流传，一个接一个，传递的是暑天午后的暖心小故事，也是一个叫人热泪盈眶的坚实信念：我今日帮你，他朝有一日人哋都会帮返我个孙。

两街坊接力帮忙相片逐张睇 ＋ 网民感人至深回应↓↓↓↓

楼主：uncle好快手就抱起扭计中的仔仔行出诊所…。网图

网民：不如叫姑娘教你点样喺屋企处理伤口？佢整亲脚你又坐紧月，两个都唔方便出街。网上截图

楼主：另一个uncle接力孭住呀仔送到去楼主屋企楼下。网图

网民：好人好事，街坊彼此互相帮助，散播爱心种子。网上截图

两位无名英雄。网上截图

网民教路洗伤口。网上截图

坐月妈妈铭记不相识的暖意

坐月妈妈消受过以上这份不相识的暖意后铭记心头，8月4日傍晚近6时在网上发催泪长文道谢两位无名英雄，强调「感激之外！还是感激！」，并引述其中一位叔叔所言「我今日帮你，他朝有一日人哋都会帮返我个孙」。

坐月妈妈催泪长文全文↓↓↓↓

楼主贴相谢谢两人出手相助。网上截图

多谢头先热心帮忙嘅两位街坊 多谢你哋无私嘅付出…大家素未谋面…

都系一齐去诊所洗伤口… 大家都有伤在身⋯⋯

但你哋都帮我抱住成25kg嘅仔同孭住佢 我真系讲十万句多谢都唔够…

事源系仔仔百厌，右脚意外冇咗脚甲 要每日去洗伤口…

琴日（8月3日）喺将军澳医院睇完急症包扎咗都行到返屋企…

今日（8月4日）第一次喺（坑口）宝宁路间诊所洗伤口

出发时仔仔都可以由屋企行到去诊所…点知洗完之后佢话痛到行唔到…

一大滴又一大滴嘅眼泪流下…（我知真系好痛嘅）

已经喺诊所同呀仔氹咗一大轮…又鼓励咗佢好耐 佢真系一步都行唔到…

都有人提议我抱起佢， 其实做呀妈嘅我平时都力大如牛…

不过啱啱生完BB两个星期… 我自己都有伤口…我都有我嘅无奈⋯⋯同不便…

本身谂住借部轮椅出去搵的士… 但呀仔都唔配合…

跟住就有两个uncle话抱佢出去搵的士

uncle好快手就抱起扭计中的仔仔行出诊所… 点知黑仔到一部的士都冇…

另一个uncle就接力孭住呀仔送到我哋去屋企楼下 都成十几分钟路程⋯⋯

真心好彩有你哋嘅帮忙 其实你哋都有伤在身！

我除了感激之外！还是感激！ 真系好多谢你哋嘅帮助！

#香港仲有爱 #容许我没有告知的情况下拍下你们的相

#uncle话我今日帮你 #他朝有一日人地都会帮返我个孙

#香港是需要团结与互助 #感谢感恩（全文完）

楼主贴相道谢。网上截图

楼主帖文。网上截图

好人好事网民深受感动

回应的网民深受感动，形容两位街坊为「无名英雄」，指「听到都好感动！祝两位叔叔同阿仔早日康复」、「希望阿仔快啲好返，长大后帮助啲有需要嘅人」、「好人好事好感动，好庆幸仲有咁好心嘅人。大家一齐努力将哩个世界变得更加美好！」。

另有人同时关心到坐月妈妈，指「你自己啱啱生完BB，都要照顾好自己，要好好休息」，于是有网民建议「不如叫姑娘教你点样喺屋企处理伤口？佢整亲脚你又坐紧月，两个都唔方便出街」，另有人提供详细的洗伤口方法。其他网民回应请浏览下图↓↓↓↓。

网民感人至深回应↓↓↓↓

网民：超级有爱。

网民：听到都好感动！祝两位叔叔同阿仔早日康复。网上截图

网民：街坊热心上嚟真无言。

网民：好人好事好感动，好庆幸仲有咁好心嘅人。大家一齐努力将哩个世界变得更加美好！网上截图

网民：人间有情，暖在心头！

网民：希望阿仔快啲好返，长大后帮助啲有需要嘅人。网上截图

网民：善心爱心满载的街坊。

网民：其实这些事在我小时候是很平常，左邻右里都好，不过都几十年前了。网上截图

网民：将军澳街坊邻里好好！睇文字都已经好感动。

网民：感动！ 祝你地两母子快d好番，两位真的汉子好心有好报。网上截图

网民：绝对值得表扬！感动仲有仗义相助嘅人。

网民：好人好事要分享。网上截图

网民：好难得！好感动！

网民：冇咗只脚甲，听到都觉得痛，都理解小朋友点解唔行，孭住比抱住冇咁辛苦，辛苦两位叔叔。网上截图

网民：天气又热，难得两位好人又唔介意热又唔介意用力。

网民：唔系吹水，我见到你嘅我都会即系帮你，25kg嘅，我一个人应该可顶20分钟

网民：好人有好报，妈妈坐紧月要保重自己身体。

网民：睇文字都好感动，有时撞正自己好无助时有人伸出援手，个下真系万分感激。网上截图

网民：你自己啱啱生完BB，都要照顾好自己，要好好休息。

网民：超感动！uncle句话，以前睇文已见过类似嘅版本，但真人，仲要系长辈讲出嚟，力量无比强大！网上截图

网民：好感动，真系好珍惜呢种互助嘅精神。

网民：我自己都试过，无咗脚甲，系痛到行唔到㗎。网上截图

网民：呢d事睇到都开心，善良有爱心嘅背影。

网民：我今日都见到，我以为系个爸爸咁劲抱住个唔舒服嘅（大个）仔去搭车，隔离个uncle好紧张好担心小朋友，原来系唔识嘅，好人好事。网上截图

网民：无名英雄，默默做好事。

网民：好人好事好有爱，小朋友会从中吸收到爱，妈妈无助中得到帮助，很感动；谢谢伸出援手。网上截图

网民：将军澳街坊真系无得顶。

网民：正能量，好感动好有爱嘅香港，助人为乐，人人献出一点爱香港充满爱 ，社会和谐。网上截图

网民：我睇到都感动，好人有好报。

网民：

谢谢善人的帮助！致敬！

网民：好感人嘅小故事。

网民：香港应该系咁。依d人情味真系好难搵返。

帖文来源：将军澳主场

相关新闻：

「后悔生你们...」80岁母亲发催泪千字遗书 网民狂Loop：句句戳中要害！

「后悔生你们...」80岁母亲发催泪千字遗书 网民狂Loop：句句戳中要害！

一封80岁母亲的千字遗书，在网络热传狂Loop，「我后悔生了你们，如果有来生，再也不见了......」句句戳中泪点，句句走进心窝，值得不少子女反思。

80岁母亲千字遗书 句句戳中要害｜足本全文点击即睇↓↓↓↓

儿子们：今天我过了80岁生日，也就是说，我活了整整80个年头了。

这么长的岁月里，我生了你们4个，又帮你们带大8个孩子。

也就是说，我这一生，用一双手，亲手抚养儿孙12个人。

但是，我老了，老到要看你们的脸色生活。

尤其几年前，你们父亲去世后，我明显感觉到你们对我的不耐烦，一日多过一日。

你们父亲刚去世那会儿，我真心希望哪个儿子能把我接到家里。

我想和你们一起生活，哪个都行。

哪怕就住一段时间，以缓解你父亲走后带来的伤痛和孤寂。

为此，我盼了两个月。

两个月后，我心凉了。

我知道，不会有谁肯接我去你们家。

好在那时候你们对我也算可以。

四个人轮班，每人一个星期，这样每天晚上，我就不怕了。

说心里话，到了我这个年纪，活到我这个份儿上，还有什么可怕的呢？

我怕的不过是寂寞。

我的儿子们，你们陪伴我度过了一年零九个月，也就是大约630天。