ViuTV主持温颖琦闹爆遭狂迷迫埋墙抽水 靓女TVB主播林婷婷亦曾遭同一毒手
2023-08-04 20:30 
有线《一线搜查》主播丘静雯、无綫主播林婷婷日前相继被同一位疯狂追星族疑似抽水，丘静雯更险遭该男子触碰胸部，该男子随即被全网闹爆。今日再有ViuTV娱乐主播温颖琦在IG贴相，并撰写长文闹爆该名粉丝抽水，直指当时已经大声开口闹爆：「请你唔好再搭住我膊头唔该！」但对方仍撞她埋墙影相！
【相关阅读】：「最靓主播」丘静雯被集邮险遭碰胸 男粉丝多次被闹抽水搭女星膊头影相
【点击睇温颖琦疑遭抽水】：
温颖琦在IG透露事件发生于上月16日《全民造星V》开场及中场时间，温颖琦指：「呢位第一次见嘅男子，当我答应合照企好影相前一刻，佢突然搭只手喺我右边膊头，再突然转为搭左边将我揽埋佢度，我要一直斗力拉开距离，嗰几张相其实只系五秒内嘅事。」随后温颖琦急步离开，对方却一直尾随。
至中场时间温颖琦离场买食物，该疯狂追星族亦跟随他入升降机，出𨋢后她与另一粉丝合照，该男子再次上前要求合照：「我未答应，佢已经又再搭落我膊头，我缩开同时好大声话：『请你唔好再搭住我膊头唔该！』声量系坐喺咖啡店嘅其他人都望咗过嚟，虽然alert到其他人感觉安全咗，但嗰刻我已经唔想再影，打算向前行。我一行，佢就用身体撞咗我埋墙影相，我再喝佢：『唔好推我埋墙呀！』然后佢转身跑走咗。」
温颖琦还指该男子还在IG肆无忌惮的tag她：「我就知道，有时点讲点闹都系冇意思的，我哋只能够避开。」温颖琦呼吁女生遇同颖似情况要保护自己：「不论程度轻重，只要感觉唔安全、唔舒服都唔需要忍，大声讲出嚟，首先要畀附近嘅人知道有呢件事发生紧先，起码对方唔会得寸进尺，然后温附近嘅人帮手，香港仲有好多热心嘅人㗎。」
【点击睇之前遭殃女星】：
【温颖琦IG全文】：
【呢件事系有必要讲嘅】
分享埋俾你身边嘅女仔睇
希望大家遇到都可以有所防范
事情发生喺《造星》总决赛开场前及中场时间。
其实平时喺活动现场合照嘅都已经见惯见熟，大家都系有礼貌又有讲有笑，一般都系感觉安全而友善的。
而呢位第一次见嘅男子，当我答应合照企好影相前一刻，佢突然搭只手喺我右边膊头，再突然转为搭左边将我揽埋佢度，我要一直斗力拉开距离，嗰几张相其实只系五秒内嘅事。之后我急步离开，佢一直尾随咗我一段路，我见势色唔对就同佢讲：「我要做嘢先，完show再见你哋啦byebye。」
直到中场左右，我肚饿离开场馆买嘢食，佢喺场外尾随我入𨋢，我一直留意住佢，但𨋢入面有其他人所以我冇咁担心，落到G/F我都有等佢出咗𨋢先。
到我出𨋢，同另一位男粉丝合照后，呢位男子再次上前要求合照。我未答应，佢已经又再搭落我膊头，我缩开同时好大声话： 「请你唔好再搭住我膊头唔该！」声量系坐喺starbucks嘅其他人都望咗过嚟，虽然alert到其他人感觉安全咗，但嗰刻我已经唔想再影，打算向前行。我一行，佢就用身体撞咗我埋墙影相，我再喝佢：「唔好推我埋墙呀！」然后佢转身跑走咗。(佢有张out fo嘅相就系跑走前影)
当时好嬲，我唔认为做幕前工作，对陌生人嘅任何要求、行为举动都要笑住接受先等于友善，被触碰身体都要大方唔出声？我个身体唔系属于你的。但当时有工作在身只能喺电话同朋友讲，平复心情入返场馆，等到工作结束后先同相熟同行呻咗几句。
(图二)当晚喺TG Group，收到张我认得系佢影嘅相，我知道send出嚟嗰位唔系当事人，想透过佢揾返嗰位男子，希望同佢讲多次唔好再咁做。
第二日，当事人喺ig肆无忌惮咁将两张相tag俾我🙂我就知道，有时点讲点闹都系冇意思的，我哋只能够避开。
所以，女仔遇到呢啲事要识得保护自己，不论程度轻重，只要感觉唔安全、唔舒服都唔需要忍，大声讲出嚟，首先要畀附近嘅人知道有呢件事发生紧先，起码对方唔会得寸进尺，然后揾附近嘅人帮手，香港仲有好多热心嘅人㗎。
P.S.姐姐可是捉过几个人上差馆的喔🙂
P.S.预计又会有啲假account留言「以为自己系边个，自己著到点点点」blah blah blah……无论系边个，人哋著成点，你都冇权掂人哋身体，bye。
【其他文章】：
《不Chok》女想拍剧做贱女人 32B温颖琦心仪Alton拍牀戏𦧲饭应
5位女神级主播齐贴20岁旧照青春可爱 呢个小花10年前已晒长腿劲吸睛
TVB新闻之花林婷婷首次北上出差着短裙即出事 遇「热情招待」美腿惨被蹂躏
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应